ត្រឹម ១៧ ថ្ងៃ Barbie រកចំណូលបានដល់ទៅ ១ ពាន់លានដុល្លារក្នុង Box office ពិភពលោក

ភាពយន្ត Barbie នឹងបញ្ចប់ការចាក់បញ្ចាំងនៅចុងសប្តាហ៍នេះជាមួយនឹងប្រាក់ចំណូល ១.០៣ ពាន់លានដុល្លារ ក្នុង Box office ពិភពលោក ។

ដូច្នេះអ្នកស្រី Greta Gerwig បានក្លាយជាស្ត្រីដំបូងគេដែលជោគជ័យបំផុត ក្នុងនាមជាអ្នកដឹកនាំរឿងឯក ។

សូម្បីលោក Jeff Goldstein ប្រធានផ្នែកចែកចាយក្នុងស្រុកនៅសហរដ្ឋអាមេរិកបាននិយាយថា “គ្មាននរណាក្រៅពី Greta Gerwig ទេ ដែលអាចនាំយក Barbie មកកាន់ពិភពពិតពោរពេញដោយពណ៌ផ្កាឈូក មានភាពរស់រវើក កំប្លែង រំជួលចិត្ត និងកម្សាន្តអារម្មណ៍ ។”

ភាពយន្ត Barbie ដែលសម្ដែងដោយតារាសម្ដែង Margot Robbie ជាតួអង្គ Barbie និង Ryan Gosling ជាតួអង្គ Ken រកចំណូលពីសហរដ្ឋអាមេរិកបាន ៤៥៩ លានដុល្លារ និងជាខ្នាតអន្តរជាតិ ៥៧២ លានដុល្លារ ។

សូមជម្រាបថា ខ្សែភាពយន្ត Barbie ចំណាយថវិកាត្រឹមតែ ១៤៥ លានដុល្លារដើម្បីផលិត មានន័យថាពួកគេចំណេញដល់ទៅជិត ៩០០ លានដុល្លារឯណោះ ៕

ប្រែសម្រួល៖ វារី

ប្រភព៖ BBC

ចុចអាន៖ ៦ យ៉ាង គួរឲ្យចាប់អារម្មណ៍ពីតួអង្គនៅក្នុងរឿង Barbie