ជីវិតកម្សាន្ដ

តារាខ្មែរម្នាក់ទៀតប្រកាសឆន្ទៈ មិនទទួលផ្សាយពាណិជ្ជកម្មល្បែងស៊ីសង

បានផុស

២ years មុន

នៅ

ថ្ងៃអង្គារ ៨ សីហា ២០២៣

ដោយ

តារាស្រីពហុជំនាញល្បីឈ្មោះអ្នកនាង ខាត់ សុឃីម បានសម្ដែងការហួសចិត្ត និងប្រកាសឆន្ទៈរបស់ខ្លួនថា ដាច់ខាតមិនទទួលការផ្សព្វផ្សាយពាណិជ្ជកម្មដែលពាក់ព័ន្ធការលេងល្បែងស៊ីសងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់តារាស្រីអ្នកនាង ខាត់ សុឃីម នេះ បានធ្វើឡើងទាំងកណ្ដាលរាត្រី ខណៈសុខៗ ស្រាប់តែមានបុគ្គល(ល្បែងអនឡាញ) បានទំនាក់ទំនងមកនាងសួរនាំបញ្ចុះបញ្ចូលឲ្យចូលរួមផ្សព្វផ្សាយល្បែងស៊ីសង។ ជាចម្លើយរបស់អ្នកនាង ខាត់ សុឃីម គឺឆ្លើយថា No។

អ្នកនាង ខាត់ សុឃីម បានប្រកាសបង្ហាញជាសាធារណៈទាំងយប់ថា «និយាយបន្តិចចុះរឿងនេះ (ដេកៗ មានគេ call មក បងជួយផ្សាយឲ្យក្រុមហ៊ុនខ្ញុំបន្តិចមក បងយកប៉ុន្មាន?) អាហ្នឹងស្អីគេអូន?ចាសបង Game online បង!។ ហ៊ឺ…លោកអើយ ស្មានតែគេជួលភ្លេង Sorry sister បងអត់ផ្សាយទេ បងទទួលតែភ្លេង ផ្សាយឲ្យអត់យកលុយទៀត»។

មិនត្រឹមតែប៉ុណ្ណោះ តារាពហុជំនាញអ្នកនាង ខាត់ សុឃីម បានបន្ថែមទៀតថា «១ នាទី ក្រោយមក ក៏ call មកប្ដីអ្នកនាងទៀត…យី….មីអូនសាហាវម្ល៉េះ ប្ដីបងក៏មិនលើកលែងដែរ?»។ ជាការពិត តាមការកត់សម្គាល់មួយរយៈចុងក្រោយនេះគេឃើញមានការរីកដុះដាលច្រើននូវប្រភេទល្បែង Game online ដែលកំពុងមានការផ្សព្វផ្សាយលើបណ្ដាញសង្គម។

សូមបញ្ជាក់ដែរថា កាលពីកន្លងមកធ្លាប់មានតារាសម្ដែងជើងចាស់ល្បីឈ្មោះ លោក សាវិន ហ្វីលីព ក៏ប្រកាសឆន្ទៈដាច់ខាតមិនទទួលផ្សព្វផ្សាយល្បែង និងគ្រឿងស្រវឹងឡើយ។ ទង្វើនេះ កំពុងទទួលបានការគាំទ្រ និងសរសើរពីសំណាក់មហាជនដែលជាគំរូដ៏ល្អសម្រាប់សង្គម៕

អត្ថបទ ៖ ចាន់រ៉ា