ជីវិតកម្សាន្ដ

សុខ រ៉ាស៊ី អបអររៀមច្បង ជា វិបុល តែងតាំងជាជំនួយការ សម្ដេចតេជោ ហ៊ុន សែន

បានផុស

២ years មុន

នៅ

ថ្ងៃអង្គារ ៨ សីហា ២០២៣

ដោយ

មហាជន និងអ្នកគាំទ្រ មានការភ្ញាក់ផ្អើល បន្ទាប់ពីឃើញពិធីករប្រុសល្បីឈ្មោះលោក សុខ រ៉ាស៊ី បង្ហោះសារអបអរសាទរចំពោះពិធីកររៀមច្បង គឺ លោក ជា វិបុល ក្នុងឱកាសត្រូវបានតែងតាំងជាជំនួយការ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា មានឋានៈស្មើអគ្គនាយករង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីករពោរពេញដោយប្រជាប្រិយភាពលោក សុខ រ៉ាស៊ី បានបញ្ចេញរូបភាពអមខ្លឹមសារដូច្នេះថា «សូមចូលរួមអបអរសាទរបងប្រុស ជា វិបុល ដែលបានតែងតាំងជាជំនួយការ សម្ដេចតេជោ ហ៊ុន សែន»។ ជាមួយគ្នានេះ ក៏មានអ្នកគាំទ្រ និងសិល្បករ-សិល្បការិនីមួយចំនួន សម្ដែងការចូលរួមអបអរផងដែរ។

យោងតាមអនុក្រឹត្យស្ដីពីការតែងតាំងមន្ត្រីរាជការរាជរដ្ឋាភិបាល ដែលធ្វើឡើងនៅថ្ងៃទី ០៤ ខែសីហា ឆ្នាំ ២០២៣ កន្លងទៅថ្មីៗនេះ បានបញ្ជាក់ថា តែងតាំង និងផ្ដល់ឋានៈលោក ជា វិបុល ជាជំនួយការ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានឋានៈស្មើអគ្គនាយករង។

ទាក់ទងដំណឹងខាងលើនេះ កម្ពុជាថ្មី នៅរសៀលថ្ងៃទី ០៨ ខែសីហា ឆ្នាំ ២០២៣ នេះ មិនទាន់អាចទាក់ទង ដើម្បីសួរនាំបន្ថែមពីពិធីករលោក ជា វិបុល និងអ្នកនាង គង់ សុជាតិ ដែលជាភរិយាបាននៅឡើយទេ៕

អត្ថបទ ៖ ចាន់រ៉ា