ជីវិតកម្សាន្ដ

គណនី Youtube របស់ក្រុម BLITZERS ត្រូវគេ Hack ដោយដាក់ឈ្មោះ Tesla

បានផុស

១ year មុន

នៅ

ថ្ងៃពុធ ៩ សីហា ២០២៣

ដោយ

ប៉ុស្តិ៍ YouTube ផ្លូវការរបស់សមាជិកក្រុម BLITZERS បានរងគ្រោះដោយសារឧបទ្ទវហេតុមួយនឹកស្មានមិនដល់ ខណៈដែលក្រុម Hacker បានលួចចូលកាន់កាន់ កាលពីថ្ងៃទី ០៨ខែសីហា និងដាក់ឈ្មោះថា Tesla វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមប្តូរឈ្មោះទៅ Tesla នោះទេ ពួក Hacker ហើយបានលុបវីដេអូដែលមានស្រាប់ទាំងអស់របស់ក្រុម K popជំនាន់ទី៤ ខណៈឆានែលដដែលបានបង្ហាញពីវីដេអូនាយកប្រតិបត្តិលោក Elon Musk បង្កឲ្យមានការភាន់ច្រឡំ និងការព្រួយបារម្ភពីអ្នកគាំទ្រជុំវិញពិភពលោក។

ជាលទ្ធផលនៃឧប្បត្តិហេតុការលួចចូល ប៉ុស្តិ៍ YouTube ផ្លូវការរបស់ក្រុមចម្រៀងប្រុស BLITZERS បច្ចុប្បន្នបានអសកម្ម។ គោលការណ៍ណែនាំសហគមន៍របស់ Google ត្រូវបានបំពានក្នុងអំឡុងពេលនៃការវាយប្រហារ ដែលនាំឲ្យឆានែលនេះត្រូវបានគេដកចេញភ្លាមៗ។

ទោះយ៉ាងណាក៏ដោយ ខាងផលិតកម្ម Uzo Entertainment បានបញ្ជាក់ពីការបំពាននេះ ដោយថា ពួក Hacker បានបង្ហោះមាតិកាមិនទាក់ទងនឹងសិល្បករ និងបានធ្វើឲ្យខូចខាតដល់សុចរិតភាពរបស់ប៉ុស្តិ៍។ ថ្វីត្បិតតែមានបញ្ហានេះក៏ដោយ BLITZERS នឹងបន្តជាមួយនឹងគម្រោងរបស់ពួកគេសម្រាប់ការប្រគុំតន្ត្រីជប៉ុនដដែល។

ទន្ទឹមនឹងនេះ Uzo Entertainment កំពុងធ្វើការយ៉ាងជិតស្និទ្ធជាមួយក្រុមគាំទ្ររបស់ YouTube ដើម្បីស៊ើបអង្កេតលើឧប្បត្តិហេតុនេះ និងចាត់វិធានការសមស្របណាមួយ៕

ប្រែសម្រួល៖ សាង ស្រីល័ក្ខ

ប្រភព៖koreaboo

ចុចអាន៖ច្បាស់ការ! កុងត្រារបស់ BLACKPINK ជាមួយ YG បានបញ្ចប់ហើយ