ជីវិតកម្សាន្ដ

បវរកញ្ញាចក្រវាល ឥណ្ឌូណេស៊ី ច្រើនរូបដាក់ពាក្យប្ដឹង ក្រោយរងការបៀតបៀនផ្លូវភេទពីកម្មវិធី

បានផុស

២ years មុន

នៅ

ថ្ងៃព្រហស្បតិ៍ ១០ សីហា ២០២៣

ដោយ

ទីភ្នាក់ងារព័ត៌មាន AFP បានរាយការណ៍កាលពីថ្ងៃទី៨ ខែសីហា ស្ត្រីជាងពាក់កណ្តាលដែលចូលរួមក្នុងកម្មវិធីប្រកួត បវរកញ្ញាចក្រវាលឥណ្ឌូណេស៊ី (Miss Universe) បានដាក់ពាក្យបណ្ដឹងទៅកាន់អ្នករៀបចំកម្មវិធីប្រកួតបវរកញ្ញា ពីបទបៀតបៀនផ្លូវភេទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងបន្ទាប់ពីបេក្ខនារីចុងក្រោយចំនួន ៧ នាក់ក្នុងការប្រកួតបវរកញ្ញាចក្រវាល ដែលបានធ្វើឡើងក្នុងទីក្រុងហ្សាកាតា ចន្លោះពីថ្ងៃទី២៩ ខែកក្កដា ដល់ថ្ងៃទី៣ ខែសីហា កន្លងទៅ ត្រូវបានគេស្នើឲ្យដោះអាវចេញ ដើម្បីពិនិត្យរាងកាយនិងថតរូបពីរថ្ងៃមុនពិធីគ្រងមកុដរបស់បវរកញ្ញាមកដល់។

អ្នកស្រី Mellisa Angreni មេធាវីតំណាងឲ្យបេក្ខនារីបាននិយាយថា មន្ត្រីមកពី PT Capella Swastika Karya ដែលជាម្ចាស់សិទ្ធិប្រកួតបវរកញ្ញាចក្រវាលនៅប្រទេសឥណ្ឌូណេស៊ីបានបញ្ជាក់ថា ពួកគេត្រូវពិនិត្យមើលស្លាកស្នាម សែលុយឡូស ឬស្នាមសាក់លើខ្លួនរបស់អ្នកប្រកួតតែប៉ុណ្ណោះ។

មេធាវីរូបនេះបាននិយាយបន្ថែមទៀតថា “អ្នកជាប់វគ្គផ្ដាច់ព្រ័ត្រមិនបានដឹងថាពួកគេត្រូវឆ្លងកាត់ដំណើរការនោះទេ។ ដោយសារតែកាលវិភាគដើមគឺគ្រាន់តែជាសំលៀកបំពាក់ដែលសម” ដោយបន្ថែមថាបេក្ខភាពចុងក្រោយទាំង ៣០នាក់នឹងត្រូវឆ្លងកាត់ការពិនិត្យសុខភាពដែលមិនបានប្រកាស ខណៈបេក្ខនារី៥រូបត្រូវបានគេថតរូបរាងរបស់ពួកនាងទាំងស្រុង។

លោក Trunoyudo Wisanu Andeko អ្នកនាំពាក្យប៉ូលិសឥណ្ឌូណេស៊ីបានប្រាប់សន្និសីទសារព័ត៌មានកាលពីថ្ងៃអង្គារថា បេក្ខនារីបានដាក់ពាក្យបណ្ដឹងទៅប៉ូលិស។ ស្របពេលដែលប៉ូលិសបានបើកការស៊ើបអង្កេតលើបណ្ដឹងនេះ ដោយប្រើប្រាស់របាយការណ៍ពីភាពមិនសមរម្យជាមូលដ្ឋានសម្រាប់ការស៊ើបអង្កេតបន្ថែមទៀត។

យ៉ាងណាមិញនាយក Miss Universe Indonesia លោក Poppy Capella មិនបានបញ្ជាក់ ឬបដិសេធការចោទប្រកាន់នោះទេ។ ផ្ទុយទៅវិញ លោកបែរជាថានេះគឺជាបង្ហាញពីការដឹងគុណចំពោះអ្នកដែលចែករំលែកទស្សនៈរបស់ពួកគេ និងអារម្មណ៍របស់នាងចំពោះឧបទ្ទវហេតុនេះនៅក្នុងការបង្ហោះ Instagram របស់នាង៕