ជីវិតកម្សាន្ដ

ក្រោយខ្នង នៃការតស៊ូ វ៉ាន់ប៊ី ឆ្លងកាត់ជីវិតលំបាកអ្វីខ្លះ?

បានផុស

១ year មុន

នៅ

ថ្ងៃព្រហស្បតិ៍ ១០ សីហា ២០២៣

ដោយ

ម្ចាស់មកុដភេទទី៣ នៃការប្រកួត Miss Queen Cambodia ២០២២ កញ្ញា វ៉ាន់ប៊ី ត្រូវបានអ្នកគាំទ្រដឹងហើយថានាងជាបវរកញ្ញាកំពូលសម្រស់មានទាំងសមត្ថភាពដើរម៉ូដ និង ចំណេះដឹងទូរទៅ។ បន្ទាប់ពីបានក្លាយជាម្ចាស់មកុដដ៏សាក សមមួយនេះ បវរកញ្ញាភេទទី៣ វ៉ាន់ប៊ី ក៏បានចូលរួមប្រកួតលើឆាកអន្តជាតិផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ បើក្រឡេកមកចាប់អារម្មណ៍ពីជីវិតតស៊ូក្រៅឆាករបស់បវរកញ្ញាភេទទី៣ កញ្ញា វ៉ាន់ប៊ី អ្នកគាំទ្រមួយចំនួន នៅមិនទាន់បានដឹងពីជីវិតលំបាកធ្លាប់ឆ្លងកាត់រឿង រ៉ាវអ្វីខ្លះនៅឡើយទេ។

ពាក់ព័ន្ធដំណើរជីវិតនៃការតស៊ូត្រូវបាន វ៉ាន់ប៊ី ទម្លាយឱ្យដឹងថា ការពិតនៅពីក្រោយការខំប្រឹងប្រែងនាងធ្លាប់បានឆ្លងកាត់ទាំងរឿងល្អ និងអាក្រក់ សាងកំហុសកុហក់ជាមួយគ្រួសារ មនុស្សជុំវិញខ្លួន និងអ្នកដទៃសាងរូបភាពដែលពោរពេញទៅដោយសុភមង្គលចែករំលែកភាពសប្បាយរីករាយផ្ដល់នូវបទពិសោធន៍ដំបូន្មានល្អៗទៅមនុស្សជុំវិញខ្លួនដើម្បីសម្រេចគោលដៅសាងដោយភាពល្អ។

បវរកញ្ញា វ៉ាន់ប៊ី បានបញ្ជាក់ថា «ខ្ញុំដឹងថាគ្មាននរណាកើតមកល្អឥតខ្ចោះទេ តែសូមកុំសាងកំហុសដដែលៗត្រូវចេះគេច ឬកែរាល់អ្វីដែរមិនល្អ សុំឱកាសពីគ្រប់គ្នាដើម្បីអភិវឌ្ឍន៍ខ្លួន និងសង្គមជាតិ ធ្វើជាកូនល្អ មិត្តល្អ កូនចៅល្អ ពលរដ្ឋល្អនៅក្នុងសង្គម។ នាងខ្ញុំ Vanbe អរគុណបងប្អូនសម្រាប់ក្ដីស្រលាញ់មកកាន់នាងខ្ញុំកន្លងមកដែរនាំឱ្យនាងខ្ញុំខំប្រឹងតស៊ូមកដល់ពេលនេះ បានតំណាងឱ្យកម្ពុជាប្រកួតលើឆាកអន្តរជាតិដ៏អស្ចារ្យ»។

នាងបន្តទៀតថា «ជីវិត គឺជាការតស៊ូមិនថាការស្រលាញ់ ភាពល្បីល្បាញ ការខំប្រឹង ភាពអស្ចារ្យសុភមង្គល ការងារមាសប្រាក់ សុទ្ធតែគ្មានដែនកំណត់បំពេញពេលវេលាដែលមានឱ្យបានល្អបំផុតមុននិងសម្រេចចិត្តបោះបង់ មានដង្ហើមគឺមានទុក្ខ កើតចាស់ ឈឺ ស្លាប់ជារឿងធម្មជាតិមិនថាជួបបញ្ហាអ្វីព្យាយាមដោះស្រាយហើយបន្តទៅមុខ»។

សូមបញ្ជាក់ដែរថា កាលពីថ្មីៗកន្លងទៅ ទស្សនិកជន និងអ្នកគាំទ្រ បានសម្ដែងការសរសើរគ្រប់គ្នា បន្ទាប់ពីបវរកញ្ញាភេទទី៣ នៃកម្ពុជា កញ្ញា វ៉ាន់ប៊ី បង្ហាញនូវការគ្រងឈុតតំណាងជាតិក្នុងកម្មវិធីប្រកួតលើវេទិកា Miss International Queen២០២៣ នៅទឹកដីប្រទេសថៃនា អំឡុងខែមិថុនា ឆ្នាំ២០២៣៕

អត្ថបទ ៖ ចាន់រ៉ា