ខែក្រោយចូលរោងការ Kimberly ជប់លៀងលាភាពនៅលីវ សុទ្ធតែតារាល្បីៗចូលរួម

ជាងមួយខែទៀត តារាសម្ដែង Kimmy Kimberly និងគូដណ្ដឹង Mark Prin នឹងដឹកដៃគ្នាចូលរោងការនៅប្រទេសអ៊ីតាលី ខណៈកាលពីថ្ងៃទី៩ ខែសីហាកន្លងទៅ តារាស្រីរូបនេះបាននាំមិត្តភក្តិស្និទ្ធជាច្រើននាក់ជប់លៀងលាភាពនៅលីវយ៉ាងកក់ក្ដៅ។

នាថ្ងៃទី១៤ ខែកញ្ញា ឆ្នាំ២០២៣ ខាងមុខ Kimberly និង Mark Prin នឹងរៀបចំពិធីមង្គលការរបស់ពួកគេ នៅប្រទេសអ៊ីតាលី មុនត្រឡប់ទៅប្រារព្ធពិធីប្រពៃណីនៅប្រទេសថៃ ក្នុងខែវិច្ឆិកា។ ស្របពេលដែលពេលវេលានៅសល់ប្រមាណជាង ​៣០ថ្ងៃទៀត ពិធីសិរីមង្គលរបស់តារាទាំងពីរនឹងធ្វើឡើង អនាគតកូនក្រមុំបានរៀបចំជប់លៀងលាភាពនៅលីវ​ជាមួយមិត្តភក្តិក្នុង និងក្រៅរង្វង់សិល្បៈចំនួន ១១នាក់ ប្រកបដោយស្នាមញញឹម និងរីករាយ។

ក្នុងពិធីជប់លៀងនេះដែរគេឃើញវត្តមាន តារាស្រី Yaya Urassaya តារាស្រី Margie Rasri តារាស្រី Bow Benjawan និងមិត្តភក្តិនៅខាងក្រៅឧស្សាហកម្មកម្សាន្ត ៨នាក់ផ្សេងទៀត។ ជាមួយនឹងរូបថតជាច្រើនសន្លឹក Kimberly បានបង្ហោះសារមួយឃ្លាប្រកបដោយភាពកក់ក្ដៅថា “សម្លាញ់របស់ខ្ញុំនាំខ្ញុំជប់លៀងលាភាពនៅលីវដ៏រីករាយ! ស្រឡាញ់អ្នកទាំងអស់គ្នាខ្លាំងបំផុត!! (My girls throws me the best bachelorette party ever!! I love you all sooo f*ing much!! ) ៕

ប្រែសម្រួល៖ សន្យា

ចុចអាន៖ ព័ត៌មានណាត់ជួបរវាង Lisa និងទាយាទស្នងត្រកូល LV លេចឮជាថ្មី

ចុចអាន៖ Matt បង្អួតជីវិតរីករាយ ក្រោយបែកផ្លូវជាមួយពោះម៉ាយ ​Songkran