Aum យំហើមភ្នែក ព្រោះបាត់បង់ឆ្កែសំណព្វចិត្ត

ជារឿងសោកសៅមួយសម្រាប់កំពូលតារាស្រីថៃ Aum Patchrapa ដែលកាលពីព្រឹកថ្ងៃទី១០ ខែសីហា ឆ្នាំ២០២៣ នាងបានចែករំលែករូបភាពបាត់បង់ឆ្កែសំណព្វតាមរយៈគណនី Instagram ផ្ទាល់ខ្លួន។

តាមរយៈ​រូបភាពទើបបង្ហោះ ​ទស្សនិកជនបានឃើញឆ្កែ​មួយ​ក្បាល​​ដែល​ងាប់ បានដេកនៅលើភ្លៅរបស់ Aum ខណៈម្ចាស់ឆ្កែពិតជាមានទឹកមុខក្រៀមក្រំ ចុងច្រមុះឡើងក្រហម ចំណែកភ្នែកមើលទៅហាក់ហើមជាខ្លាំង។

បន្ថែមពីលើរូបភាព តារាស្រីវ័យ ៤៤ឆ្នាំ បានភ្ជាប់ជាមួយសារលាគ្នាជាមួយឆ្កែសំណព្វថា “លាហើយកូន ម៉ែនឹងនឹកកូនរហូត ហើយស្រឡាញ់កូនអស់ពីបេះដូង។ កូនសំណព្វបានចាកចេញនាថ្ងៃទី ១០/៨/២០២៣ នៅម៉ៅ ៣ និង ៣៥នាទី” ។

បន្ទាប់ពី Idol បានចែករំលែកដំណឹងក្រៀមក្រំមួយនេះ អ្នកគាំទ្របានចូលរួមសោកស្ដាយ និងផ្ញើសារលើកទឹកចិត្ត Aum យ៉ាងច្រើនផងដែរ៕

ប្រែសម្រួល៖ សន្យា

ចុចអាន៖ ខែក្រោយចូលរោងការ Kimberly ជប់លៀងលាភាពនៅលីវ សុទ្ធតែតារាល្បីៗចូលរួម

ចុចអាន៖ តារាស្រី ៥រូប ត្រូវទស្សនិកជនពោលសរសើរលើការស្លៀកពាក់សមសួន