ជីវិតកម្សាន្ដ

Pinky ទើបជួបមុខម្ដាយលើកដំបូង ក្រោយជាប់ពន្ធនាគារក្នុងសំណុំរឿង Forex-3D

បានផុស

២ years មុន

នៅ

ថ្ងៃសុក្រ ១១ សីហា ២០២៣

ដោយ

កាលថ្ងៃទី១០ខែសីហា ម្សិលមិញនេះ តារាសម្ដែង Pinky Savika ទើបតែមានឱកាសបានជួបមុខម្តាយលើកដំបូង។ ក្រោយត្រូវតុលាការសម្រេចឲ្យនាងនិងម្តាយ រួមមនុស្ស ២៤នាក់ផ្សេងទៀត ជាប់ពន្ធនាគារក្នុងក្នុងសំណុំរឿង Forex-3D។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកទើប Pinky ត្រូវតុលាការសម្រេចដោះលែងបណ្ដោះអាសន្នដោយដោះដូរនឹងទឹកប្រាក់យ៉ាងច្រើន ខណៈម្ដាយនិងប្អូនប្រុសជាប់ឃុំក្នុងពន្ធនាគារដដែល។ ទើបតែពេលនេះ នាងបានជួបមុខម្តាយរបស់នាងនិងមនុស្ស ២៤ នាក់ទៀតដោយបានបង្ហាញស្នាមញញឹមលើកទឹកចិត្ត និងធ្វើដៃជារូបបេះដូងក្នុងន័យប្រាប់ថា នៅតែប្រយុទ្ធដើម្បីបន្តដំណើរជីវិតនេះទៅមុខទៀត។

ជាមួយគ្នានេះដែរ ការជួបមុខម្ដាយលើដំបូងនេះគឺជាការជួបមួយដ៏ប្រសើរបំផុត បន្ទាប់ពីតុលាការបានលើកលែងម្តាយ និងមនុស្ស ២៤ នាក់ផ្សេងទៀតដែលជាប់ពាក់ព័ន្ធក្នុងករណីនៃការចែករំលែក Forex 3D។

តាមរយៈទំព័រ TV Pool បានគេបង្ហាញថា Pinky និងមេធាវីបានមកដល់តុលាការព្រហ្មទណ្ឌ។ ហើយថ្ងៃនេះនឹងធ្វើសេចក្តីថ្លែងការណ៍ទៅតុលាការដោយបញ្ជាក់ថា Pinky គឺគ្រាន់តែជាអ្នកវិនិយោគប៉ុណ្ណោះ។ នាងនិងម្ដាយ មិនដែលល្បួងអ្នកណាម្នាក់ឲ្យលេង និងទទួលបានភាគលាភតិចតួចពីការវិនិយោគតែប៉ុណ្ណោះ!

គួររំលឹកដែរថា តារាសម្ដែងស្រី Pinky និងក្រុមគ្រួសារ បានជាប់ពាក់ព័ន្ធជាមួយករណីចែករំលែកខ្សែសង្វាក់ Forex-3D ចាប់តាំងពីថ្ងៃទី ១៨ ខែសីហា ឆ្នាំ២០២២មកម្ល៉េះ។ ភ្លាមៗនោះដែរ នាងនិងម្ដាយរួមទាំងបងប្រុស ត្រូវបានប៉ូលិសបញ្ចូនចូលគុក ដោយមិនអាចសុំសិទ្ធឲ្យនៅក្រៅឃុំបានឡើយ។ តែយ៉ាងណាក្រោយមកតុលាការបាន ដោះលែងឲ្យក្រៅឃុំ ហើយនាងក៏មិនមានសិទ្ធចាកចេញទៅក្រៅប្រទេសបានឡើយ៕