ជីវិតកម្សាន្ដ

លីវ ជីលី រំលេចខ្លួនជាមួយគ្រឿងអលង្ការពេជ្រភ្លឺចែងចាំង លើកសម្រស់កាន់តែស្អាតប្លែក

បានផុស

២ years មុន

នៅ

ថ្ងៃសុក្រ ១១ សីហា ២០២៣

ដោយ

បន្ទាប់ពីបានតំណែងក្លាយជាបវរកញ្ញា Miss Grand Cambodia ២០២០ កញ្ញា លីវ ជីលី ត្រូវបានគេមើលឃើញថា ទីផ្សារសិល្បៈរបស់នាងកាន់តែមានភាពលេចធ្លោ រហូតម្ចាស់ក្រុមហ៊ុន និងផលិតករជាច្រើន សម្លឹងឃើញ ហើយអញ្ជើញទៅថតសម្ដែង ឬ ផ្សព្វផ្សាយពាណិជ្ជកម្មជាដើម…។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងអំឡុងពេល ២ ឬ ៣ ឆ្នាំ ចុងក្រោយនេះ បវរកញ្ញា លីវ ជីលី ត្រូវម្ចាស់កម្មវិធីធំៗមួយចំនួនពេញចិត្តនូវសមត្ថភាពទេពកោសល្យរបស់នាង ហើយក៏ទទួលបានឱកាសការងារជាបន្តបន្ទាប់។

អ្វីដែលគេកាន់តែចាប់អារម្មណ៍ថែមទៀត កាលពីថ្មីៗនេះ អ្នកគាំទ្រ ក៏បានឃើញបវរកញ្ញា ជីលី ពាក់គ្រឿងពេជ្រមានតម្លៃថ្លៃខ្ទង់រាប់ម៉ឺនលានដុល្លារ សម្ញែងភ្នែកមហាជនទៀតផង។

តាមរយៈរូបភាពរំលេចខ្លួនជាមួយគ្រឿងអលង្ការពេជ្រភ្លឺចែងចាំងនៅលើខ្លួននោះដែរ កញ្ញា លីវ ជីលី បានបន្លុយអមដោយខ្លឹមសារដ៏មានអត្ថន័យបែបនេះថា «ត្រូវធ្វើខ្លួនជាគ្រាប់ពេជ្រសុទ្ធដែលនរណាៗ ក៏ចង់បាន កុំធ្វើខ្លួនដែលនរណាៗ ក៏ធ្លាប់បាន»។ អ្នកគាំទ្របានសរសើរគ្រប់គ្នាថា លីវ ជីលី កាន់តែបន្ថែមសម្រស់ស្រស់ស្អាត ក្រោយពាក់គ្រឿងអលង្ការពេជ្រភ្លឺចែងចាំង។

កញ្ញា លីវ ជីលី កន្លងមក ទោះបីពុំអាចចូលដល់ Top កំពូលណាមួយ នៃការប្រកួតលើឆាកអន្តរជាតិ Miss Supranational 2023 នៅប្រទេសប៉ូឡូញ ក៏ពិតមែន ប៉ុន្តែសម្រាប់នាងនៅតែរក្សាបានការគាំទ្រ និងលើកទឹកចិត្តខ្លាំងពីសំណាក់ប្រជាជនកម្ពុជា៕

អត្ថបទ ៖ ចាន់រ៉ា