តារាប្រុស ១០រូប មានប្រជាប្រិយបំផុត ក្នុងចំណោមបុរសស្រឡាញ់ភេទដូចគ្នា

ថ្មីៗនេះសហគមន៍ស្រឡាញ់ភេទដូចគ្នានៅប្រទេសកូរ៉េខាងត្បូងបានបោះឆ្នោតជ្រើសរើសតារាប្រុសដែលពួកគេចូលចិត្តបំផុតក្នុងពាក់កណ្ដាលឆ្នាំ២០២៣ ហើយជាលទ្ធផលដែលទទួលបានពិតជាគួរឱ្យភ្ញាក់ផ្អើល!

១. តារាសម្ដែង ​Son Seok Koo

​តារា​សម្ដែងវ័យ ៤០ឆ្នាំរូបនេះ ទទួលបានភាពល្បីល្បាញតាមរយៈភាពយន្តភាគរឿង “My Liberation Notes” ដោយត្រូវបានក្រុម Gay ស្រឡាញ់ចូលចិត្តខ្លាំងបំផុត ហើយលោកជាតារាប្រុសដែលធ្លាប់ទទួលបានចំណាត់ថ្នាក់លេខ ១ នៅក្នុងការស្ទង់មតិ កាលពីឆមាសទីមួយនៃឆ្នាំ២០២២ ផងដែរ។

២. តារាចម្រៀង Cha Eunwoo សមាជិកក្រុម ASTRO

Cha Eunwoo ប៊ិះនឹងទទួលបានចំណាត់ថ្នាក់លេខ ១ នៅឆ្នាំនេះ ខណៈសំឡេងឆ្នោតលើសខ្វះគ្នាពី Son Seok Koo តែ ០.១២% ប៉ុណ្ណោះ។ ដោយឡែក កាលពីឆ្នាំ២០២២ កន្លងទៅលោកជាប់ចំណាត់ថ្នាក់លេខ ៦ នៅឆមាសទីមួយ និងលេខ ៤ នៅឆមាសទីពីរ។

៣. តារាសម្ដែង Jung Hae In

Jung Hae In ជាប់​ចំណាត់​ថ្នាក់​លេខ​ ៣ ​ដោយទទួលបាន​សំឡេង​ឆ្នោត ​២.៦៣%។ កាលពីឆមាសទីពីរឆ្នាំមុន តារាវ័យ ៣៥ឆ្នាំរូបនេះ ធ្លាប់ជាប់ចំណាត់ថ្នាក់លេខ ១ ។

៤. តារាបង្ហាញម៉ូដ និងសម្ដែង Nam Joo Hyuk

កាលពីឆ្នាំមុន តារាប្រុសវ័យ២៩ឆ្នាំ ធ្លាប់ជាប់ចំណាត់ថ្នាក់ទី១០ឯណោះ ប៉ុន្តែឆមាសទី១ ឆ្នាំ២០២៣នេះ លោកហក់ឡើងមកឈរនៅលំដាប់ថ្នាក់ទី៤វិញ។

៥. កីឡាករ Ahn Chang Rim និងតារាសម្ដែង Seo Kang Joon

កីឡាករយូដូ Ahn Chang Rim ធ្លាប់​ទទួល​បាន​ចំណាត់​ថ្នាក់​លេខ​៣ ​ក្នុង​ការ​បោះឆ្នោត​ កាលពីឆ្នាំ២០២២ ខណៈឆ្នាំនេះលោក​អង្គុយ​នៅលេខ​៥។

ដោយទទួលបានសំឡេងឆ្នោតស្មើគ្នា ចំណាត់ទី ៥ ក្នុងឆ្នាំនេះបានទៅលើតារាប្រុសម្នាក់ទៀតគឺ Seo Kang Joon ខណៈឆ្នាំមុន លោកទទួលបានចំណាត់ថ្នាក់ទី ៤។

៦. កីឡាករ Im Sung Jin

អត្តពលិក​បាល់ទះ​វ័យ​ក្មេង​រូប​នេះ​ត្រូវ​បាន​គេទទួល​ស្គាល់​ថា ​មាន​រូប​រាង​ដ៏​គួរ​ឱ្យទាក់ទាញ​ ​ដែល​អាច​ប្រជែង​នឹង​តារា​ល្បីៗជាច្រើននៅក្នុងប្រទេស រហូតធ្វើឱ្យទស្សនិកជននៃសហគមន៍ស្រឡាញ់ភេទដូចគ្នាសម្រុកបោះឆ្នោតឱ្យយ៉ាងច្រើនសន្ធឹកសន្ធាប់។

៧. តារាសម្ដែង Lee Jin Wook

តារា​សម្ដែង​ជើង​ចាស់វ័យ ៤១ឆ្នាំ ដណ្ដើមបាន​លេខ​រៀង​ទី ​៧ ​ក្នុង​ឆ្នាំ​នេះ។

៨. តារាសម្ដែង Kim Min Gue និងតារាចម្រៀង Choi Soobin សមាជិក្រុម TXT

ចំណាត់ទី៨ បានទៅលើតារាប្រុសពីររូបគឺ Kim Min Gue និង Soobin ដែលជាសមាជិកក្រុម TXT ខណៈឆ្នាំ២០២២ ពួកគេពុំមានចំណាត់ថ្នាក់កំពូលទាំង ១០ ក្នុងបញ្ជីនេះឡើយ។

៩. តារាសម្ដែង Lee Do Hyun

ឆ្នាំកន្លងទៅតារា​សម្ដែង​រូប​នេះមិនសូវមានប្រជាប្រិយភាពក្នុងចំណោម Gay ​នោះទេ ទើបតែឆ្នាំ២០២៣នេះ សំឡេងគាំទ្ររបស់លោកកើនឡើង ​ក្រោយក្លាយជាតួឯកក្នុងរឿង “The Glory” ។

១០. អត្តពលិក Kan Hyun Bae និងកីឡាករ Cho Gue Sung

លេខរៀងទី១០ ក្នុងបញ្ជីតារាប្រុសមានប្រជាប្រិយភាពក៏មានពីរនាក់ដែរគឺ ​អត្តពលិកកាយសម្ព័ន្ធ Kan Hyun Bae និងកីឡាករបាល់ទាត់ Cho Gue Sung ដែលធ្លាប់បង្កភាពល្បីល្បាញក្នុងអំឡុងពេល World Cup ឆ្នាំ២០២២៕

ប្រែសម្រួល៖ សន្យា

ចុចអាន៖ អ្នកគាំទ្រក្ដៅឆួល ក្រោយមានគេប្រមាថ Lisa ពេលស្លៀកឈុតប៊ីគីនី

ចុចអាន៖ តារាកូរ៉េ ៥រូប មានអ្នកស្វែងរកច្រើនបំផុត ក្នុងខែនេះ