ជីវិតកម្សាន្ដ

ម៉ា ដូណា បញ្ជាក់ស្ថានភាព វីជេ អាណូ ក្រោយចូលសង្គ្រោះបន្ទាន់ នៅមន្ទីរពេទ្យកាល់ម៉ែត

បានផុស

១ year មុន

នៅ

ថ្ងៃចន្ទ ១៤ សីហា ២០២៣

ដោយ

ជុំវិញស្ថានភាព វីជេ អាណូ តារាសម្ដែងលោក ម៉ា ដូណា បញ្ជាក់ប្រាប់ “កម្ពុជាថ្មី” តាមរយៈសារអេឡិចត្រូនិក នៅព្រឹកនេះថា បច្ចុប្បន្ននាងកំពុងស្ថិតក្នុងការសង្គ្រោះពីសំណាក់ក្រុមគ្រូពេទ្យ បន្ទាប់ពីចាក់ប៉ងសម្លាប់ខ្លួនឯង កាលពីយប់ថ្ងៃទី ១៣ សីហា ម្សិលមិញ ដោយសារបញ្ហារងសម្ពាធផ្លូវចិត្តធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ា ដូណា បានបញ្ជាក់ថា សម្រាប់ស្ថានភាព វីជេ អាណូ ពេលនេះ គឺមានការឈឺចុកចាប់ខ្លាំង បន្ទាប់ពីគាត់ចាក់ខ្លួនឯងបណ្ដាលឲ្យរងរបួសជ្រៅ ដែលប៉ះពាល់ដល់ប្រព័ន្ធខាងក្នុងខ្លួន។ លោកថា រឿងដែលកើតឡើងនេះអាចបណ្ដាលមកពីបញ្ហានៅក្នុងគ្រួសារ បញ្ហាបំណុលខ្លះ និងអ្វីដែលសំខាន់នោះគឺ វីជេ អាណូ ចង់វិលចូលសិល្បៈវិញ ប៉ុន្តែមិនត្រូវបានផ្ដល់ឱកាស និងថែមទាំងរងការប្រមាថមើលងាយមិនឲ្យតម្លៃពីបុគ្គលមួយចំនួនទៀតផង។

តារាសម្ដែង ម៉ា ដូណា ដែលបានទៅដល់ផ្ទាល់នៅមន្ទីពេទ្យបាននិយាយទៀតថា អាការ វីជេ អាណូ ពេលនេះ មានលក្ខណៈធ្ងន់ធ្ងរនៅឡើយ ព្រោះរបួសដែលចាក់នោះមានសភាពមុតជ្រៅ ប៉ះពាល់ដល់ពោះវៀន ដូច្នេះត្រូវការព្យាបាលយ៉ាងយកចិត្តទុកដាក់សិន។

លោក ម៉ា ដូណា ក៏បានអំពាវនាវសិល្បករ-សិល្បការិនី និងមហាជន ផ្ដល់ការលើកទឹកចិត្ត និងចូលរួមឧបត្ថម្ភតាមលទ្ធភាព ដើម្បីជួយសម្រួលដល់ការព្យាបាលនាពេលនេះ។

សូមជម្រាបថា មហាជនអ្នកគាំទ្រ បង្ហាញការភ្ញាក់ផ្អើល និងព្រួយបារម្ភគ្រប់គ្នា បន្ទាប់ពីអតីតតារាចម្រៀងអ្នកនាង សួន ភក្ដី ហៅ វីជេ អាណូ បានធ្វើការឡាយវីដេអូរៀបរាប់ពីទុក្ខសោកដែលនាងកំពុងតែជួបបញ្ហាផ្លូវចិត្តធ្ងន់ធ្ងរ។ ក្នុងនោះ វីជេ អាណូ ថែមទាំងមានកាំបិតនៅក្នុងដៃប៉ុនប៉ងចាក់សម្លាប់ខ្លួនឯងទៀតផង៕

អត្ថបទ ៖ ចាន់រ៉ា