ជីវិតកម្សាន្ដ

អតីតសង្សារ នាយ ចឺម ហាក់មិនអស់អាល័យ បន្តទម្លាយរូបភាពអនុស្សាវរីយ៍ចាស់ៗ

បានផុស

១ year មុន

នៅ

ថ្ងៃចន្ទ ១៤ សីហា ២០២៣

ដោយ

មហាជនធ្លាប់បានដឹង និងនៅចាំហើយថា កាលពីអំឡុងចុងឆ្នាំ២០២២ កន្លងទៅ អ្នកមេម៉ាយរូបស្រស់អ្នកនាង សេង សុខឃីម បានទម្លាយរឿងរ៉ាវជុំវិញការបែកបាក់ស្នេហាជាមួយអតីតសង្សារតារាចម្រៀងវ័យក្មេង នាយ ចឺម ដែលបង្កការភ្ញាក់ផ្អើលដល់អ្នកគាំទ្រ និងប្រើប្រាស់បណ្ដាញសង្គមហ្វេសប៊ុកជាច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា បន្ទាប់ពីលេចឮដំណឹងនៃការបែកបាក់នេះ គេឃើញថាអ្នកនាង សេង សុខឃីម គឺតែងតែទម្លាយសារចេញពីចិត្តជាបន្តបន្ទាប់។

ជាការពិតណាស់ ក្រោយពីផ្ដាច់ទំនាក់ទំនងស្នេហាជាមួយតារាចម្រៀងសម្បូរស្នេហ៍ នាយ ចឺម គិតមកដល់ពេលនេះមានរយៈពេលប្រមាណ ១ឆ្នាំ មកហើយ ។ ខណៈជារឿយៗ អតីតសង្សារតារាប្រុសរូបនេះ គឺអ្នកមេម៉ាយចាយសម្រស់ សេង សុខឃីម បានទម្លាយរូប ថតរម្លឹកនូវអនុស្សាវរីយ៍អមដោយខ្លឹមសារមួយចំនួន ។

តួយ៉ាងថ្មីៗមុននេះ អតីតសង្សានាយ ចឺម អ្នកនាង សេង សុខឃីម បានរម្លឹកដល់អតីតកាល និងអនុស្សាវរីយ៍ល្អៗជាច្រើនធ្លាប់សាងឡើងរួមគ្នាជាមួយនាយ ចឺម។ ក្នុងនោះអ្នកនាង សុខឃីម ក៏បានកាត់ភ្ជាប់រូបភាពបញ្ចូលចិត្តជាមួយខ្លឹមសារបទចម្រៀងកម្សត់ហាក់នឹកដល់អតីតសង្សារចាស់ទៀតផង។

អ្នកមេម៉ាយចាយរាងរូបស្រស់ សេង សុខឃីម បានបញ្ចេញខ្លឹមសារខ្លីដូច្នេះថា “ការចាកចេញមិនមែនសុទ្ធ តែមកពីអស់ចិត្តនោះទេជួនកាលមានរឿងខ្លះទទួល យកមិនបានទើបគ្មានជម្រើសអ្វីក្រៅពីចាកចេញ”។ ជាមួយគ្នានេះ មានខ្លះបានសួរថានឹកគេមែន? ជូនពរឱ្យស្រលាញ់គ្នាវិញ ហើយស្រលាញ់រឹតតែខ្លាំងដល់ចាស់កោងខ្នង, យើងមានអនុស្សាវរីយ៍មិនអាចភ្លេចបាន៕

អត្ថបទ៖ ចាន់រ៉ា