ជីវិតកម្សាន្ដ

តាមពិតប៉ុស្តិ៍លេខ ៧ ឲ្យតម្លៃខ្លួន Aum មួយឆ្នាំៗរាប់លានដុល្លារ ទើបនាងមិនដាច់ចិត្តចាកចេញ

បានផុស

១ year មុន

នៅ

ថ្ងៃចន្ទ ១៤ សីហា ២០២៣

ដោយ

កន្លងមកទស្សនិកជនជាច្រើនតែងតែលេចឮពីពាក្យចចាមអារ៉ាមជាច្រើន ទាក់ទងនឹងតារាសម្ដែងរៀមច្បង Aum Patchrapa ថានឹងចាកចេញពីប៉ុស្តិ៍លេខ៧ថៃ ក្រោយផុតកុងត្រាជាមួយទ្រនំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ មានព័ត៌មានជាច្រើនចេញមកបញ្ជាក់ថា នាងនឹងមិនទៅណាចោលទ្រនំធ្លាប់សាងកេរ្តិ៍ឈ្មោះមួយនេះដាច់ខាត! បើទោះបីជាផលិតកម្មផ្សេងឲ្យតម្លៃខ្លួនលើសប៉ុស្តិ៍លេខ៧ក្ដី។ ក្នុងនោះមានអ្នកផ្សេងទៀតថានាងប្រាកដជាចេញដាច់ខាតព្រោះ Aum នៅទីនោះតាំងពីចូលសិល្បៈលើកដំបូងមកម្ល៉េះ។

ចំពោះមូលហេតុចម្បង និងពិតប្រាកដនោះគឺ Aum Patchrapa នៅតែសម្រេចចិត្តបន្តកុងត្រាទូរទស្សន៍ប៉ុស្តិ៍លេខ៧
ខណៈការពិតត្រូវបានលាតត្រដាងនាពេលថ្មីៗនេះថា ប៉ុស្តិ៍លេខ ៧ បានផ្តល់នូវទឹកប្រាក់ឲ្យ Aum ក្នុងតម្លៃកុងត្រា ២០ លានបាត (៥៦៩,០២២.៤០ដុល្លារ) ក្នុងមួយឆ្នាំជាប់ៗគ្នាជាច្រើនទសវត្សរ៍។ កាតព្វកិច្ចរបស់នាងគឺនៅក្របមុខប្រតិទិនរបស់ប៉ុស្តិ៍រៀងរាល់ឆ្នាំ។ ហើយនាងមិនបាច់មកចូលរួមកម្មវិធី Channel មិនថាកម្មវិធីផ្សាយផ្ទាល់ កម្មវិធីថតរឿង នាងមានសិទ្ធិជ្រើសរើសតួឯកប្រុសមកសម្តែងដោយខ្លួនឯង រួមទាំងការជ្រើសរើសរឿងដែលត្រូវបង្ហាញ។ មិនត្រឹមតែប៉ុណ្ណឹងនោះទេ ទ្រនំមួយនេះគ្មានការហាមឃាត់ Aum ទៅកម្មវិធីផ្សេងទៀត ទាំងក្រៅបណ្តាញ និងតាមអ៊ីនធឺណិតណាមួយឡើយ។

លើសពីនេះទៀតដែរ លុយ២០លានបាតនេះ ចាត់ទុកជាជួល Aum ឲ្យតុបតែងប៉ុស្តិ៍លេខ៧ យ៉ាងស្រស់ស្អាត នេះជាហេតុផលដែលមហាជនជាច្រើនមិនឃើញតារាសម្ដែងស្រីរូបនេះ ឈានជើងចូលប៉ុស្តិ៍ណាមួយផ្សេងទៀតក្រៅពីប៉ុស្តិ៍៧ ឡើយ៕