Mark Prin ទម្លាយរូបភាពអាពាហ៍ពិពាហ៍ ខណៈ ១ខែទៀត ដល់ថ្ងៃពិសេស

កាន់តែកៀកថ្ងៃមង្គលការ Mark Prin និងអនាគតកូនក្រមុំដ៏ស្រស់ស្អាត Kimberly សុទ្ធតែបង្អួតរូបភាពពិសេសៗរៀងៗខ្លួន ដែលកន្លងមកអ្នកទាំងពីរបង្ហាញរូបភាពក្នុងពិធី​ជប់លៀងលាភាពនៅលីវ ដោយធ្វើឡើងជាមួយ​មិត្តភ័ក្ដិ មុនការរៀបការជាផ្លូវការនឹងមកដល់។

កាលពីពេលថ្មីៗ​នេះ កូនកំលោះ Mark Prin ​ក៏មានក្ដីរំភើប​ចិត្តមិនចាញ់កូនក្រមុំនោះទេ ខណៈលោកចេញ​មុខ​បង្ហោះ​រូបភាព​ផ្អែមល្ហែម​ ទន្ទឹម​នឹង​ការរាប់ថយក្រោយត្រឹមតែ ១ ខែទៀតត្រៀមខ្លួន​ចាប់ផ្ដើមជីវិតថ្មីដោយ​រស់នៅជាមួយ Kimberly ស្របពេលពិធីមង្គលការនឹងប្រព្រឹត្តទៅនៅប្រទេស​អ៊ីតាលីឯណោះ។

ជាមួយ​នឹង​ភាព​រ៉ូមែនទិក​មួយ​សន្លឹក​ដែល Mark Prin ទើបតែ​បង្ហោះ​រូប​លើ Instagram រួមជាមួយ​នឹង caption បញ្ជាក់​ថា “ខ្ញុំមិនបានគិតបែបនោះទេ។ ពេលវេលានឹងដើរលឿនណាស់ មួយខែទៀត kimmy_kimberley នឹងក្លាយជាដៃគូជីវិតហើយ “។

តាមរយៈរូបភាពមួយសន្លឹកនេះដែរ បានធ្វើឲ្យក្រុមមិត្តភ័ក្តិ និងអ្នកគាំទ្រជាច្រើនសម្រុកចូលទៅចុច Like គ្រប់ៗគ្នា រួមទាំងដៃគូជីវិត Kimberly ផងដែរ ដែលបានបញ្ចេញមតិថា “My love my life” ៕

ប្រែសម្រួល៖ សាង ស្រីល័ក្ខ

ចុចអាន៖តាមពិតប៉ុស្តិ៍​លេខ ​៧ ឲ្យតម្លៃខ្លួន Aum មួយឆ្នាំៗរាប់លានដុល្លារ ទើបនាងមិនដាច់ចិត្តចាកចេញ