ជីវិតកម្សាន្ដ

ក្លាយជាម្ចាស់មកុដ ល្អហួស អះអាងថា គ្មានខ្សែ ពឹងផ្អែកលើសមត្ថភាព និងភាពជឿជាក់

បានផុស

២ years មុន

នៅ

ថ្ងៃអង្គារ ១៥ សីហា ២០២៣

ដោយ

ម្ចាស់មកុដ Miss Preteen Cambodia 2023 ជូ រីល្អហួស បានចេញមកអះអាងទៅកាន់អ្នកគាំទ្រ និងមហាជនថា ការដណ្ដើមបានមកុដ Miss Preteen Cambodia នាងពឹងផ្អែកលើរូបសម្រស់ ចំណេះដឹង សមត្ថភាព និងភាពជឿជាក់របស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញាវ័យក្មេង ល្អហួស បញ្ជាក់ថា សម្រាប់ជ័យជំនះនៅក្នុងការប្រកួតកន្លងមកនេះ ពុំមានខ្សែ ឬ បក្សពួក ដើម្បីជួយឲ្យនាងក្លាយជាម្ចាស់មកុដទេ ពោលពឹងលើខ្លួនឯង និងការគាំទ្រយ៉ាងច្រើនពីសំណាក់មហាជនដែលបានមើលឃើញពីសមត្ថភាពផ្ទាល់អំឡុងពេលប្រកួត។

ល្អហួស លើកឡើងថា «កម្មវិធីប្រកួត គឺសុក្រឹតណាស់ នាងខ្ញុំមិនមានខ្សែអីនោះទេ ការដាក់ពិន្ទុពីគណៈកម្មការ និងមានការ vote ពីពុកម៉ែបងប្អូន»។

ម្ចាស់មកុដ MPC2023 រូបនេះ បន្ថែមថា «អ្វីដែលនាងខ្ញុំយកទៅប្រកួតនោះគឺសម្រស់ ចំណេះដឹង សមត្ថភាព និងភាពជឿជាក់»។ ល្អហួស បញ្ជាក់បន្ថែមដោយការតាំងចិត្តថា «នាងខ្ញុំ ត្រៀមខ្លួនរួចជា ស្រេចក្នុងការទៅដណ្ដើមយកមកុដនៅលើឆាកអន្តរជាតិ នៅដើមខែ ០៣ ឆ្នាំ ២០២៤ ខាងមុខ ពុកម៉ែបងប្អូនជឿជាក់លើ ល្អហួស ទេ?»។

យ៉ាងណាបន្ទាប់ពីទទួលបានជ័យលាភីក្លាយជាម្ចាស់មកុដបវរកញ្ញាយុវតីកម្ពុជា ២០២៣Miss Preteen International Cambodia 2023 កាលពីថ្មីៗនេះ និងកំពុងត្រៀមខ្លួនដើម្បីចេញទៅប្រកួតលើឆាកអន្តរជាតិនោះ ជូ រីល្អហួស បច្ចុប្បន្នបានខិតខំហ្វឹកហាត់យ៉ាងខ្លាំងក្នុងការពង្រឹងសមត្ថភាពបន្ថែម។