ជីវិតកម្សាន្ដ

ពេជ្រ សោភា បង្ហើបបទពិសោធន៍អាចឈរជើងលើវិថីសិល្បៈបានយូរ

បានផុស

១ year មុន

នៅ

ថ្ងៃអង្គារ ១៥ សីហា ២០២៣

ដោយ

ឆ្លងកាត់លើវិថីសិល្បៈយូរឆ្នាំ កំពូលតារាចម្រៀងអ្នកនាង ពេជ្រ សោភា បានបង្ហើបកនូវបទពិសោធន៍មួយចំនួន ដើម្បីអាចរក្សាបានការគាំទ្រមិនចុះថមថយ ពីសំណាក់មហាជន ពិសេសគឺអាចរក្សាការឈរជើងបានយូរនៅក្នុងវិថីមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់តារាចម្រៀងអ្នកនាង ពេជ្រ សោភា រហូតមកដល់ពេលបច្ចុប្បន្ន មហាជន និងអ្នកគាំទ្រដឹងថា នាងមានវ័យកាន់តែជ្រេហើយ តែអ្វីដែលកត់សម្គាល់គឺ នាងត្រូវបានមហាជនកោតសរសើរនូវសមត្ថភាពច្រៀង និងរូបសម្រស់នៅតែរក្សាបានភាពស្រស់ស្អាត ហើយនៅតែក្មេងជាងវ័យដដែល។

ពិតណាស់ តាមសម្ថភាព និងភាពបុិនប្រសប់របស់តារាស្រីរូបនេះ យើងឃើញថា ស្ទើតែគ្រប់កម្មវីធីធំៗតែងលេចវត្តមាន អ្នកនាងពេជ្រ សោភា មិនដែលដាច់ និងតែងធ្វើឱ្យអ្នកគាំទ្រពេញចិត្តរហូតមក។

ជាមួយគ្នានេះ ដោយបានប្រើជីវិតក្នុងវិថីសិល្បៈជាយូររហូតមក អ្នកនាង ពេជ្រ សោភាព ដែលមានវ័យប្រមាណ ៤០ឆ្នាំ ហើយនោះ បានទម្លាយពីចំណុចពិសេសដែលអាចរក្សាបានការគាំទ្រពីមហាជន។ អ្នកនាងបានលើក ឡើងថា «ដើរនៅផ្លូវសិល្បៈមានរឿងជាច្រើនដែលយើងត្រូវជួប តែត្រូវចាំថាត្រូវទទួលយកការកែតម្រូវពីហ្វេនទើបយើងឈរបានយូរ ព្រោះមានតែហ្វេនយើងទេ ដែលគាត់មើលឃើញគ្រប់យ៉ាងពីយើង អរគុណ S2 the P fansមើលបងហើយជួយកែបងផងបើឃើញខុស love you»។

សូមជម្រាបដែរថា តារាចម្រៀងអ្នកនាង ពេជ្រ សោភា គិតមកដល់ពេលនេះនាងបានចូលប្រឡូកក្នុងវិស័យសិល្បៈយូរឆ្នាំមកហើយ ស្របពេលដែលប្រជាប្រិយភាព និងកេរ្តិ៍របស់នាងនៅតែរក្សាបានការគាំទ្រច្រើនពីមហាជន និងមិត្តៗយុវវ័យ៕

អត្ថបទ៖ ចាន់រ៉ា