Jennie សិចស៊ីអស់ដៃ ក្នុងយុទ្ធនាការផ្សព្វផ្សាយយីហោ CK

បន្ទាប់ពីលេចមុខក្នុងយុទ្ធនាការផ្សព្វផ្សាយយីហោ Calvin Klein នាពេលថ្មីៗនេះ តារាចម្រៀង Kim Jennie សមាជិកក្រុម Blackpink បាននិងកំពុងធ្វើឱ្យទស្សនិកជនរាប់លាននាក់បើកភ្នែក ចំហមាត់ ព្រោះតែរូបរាងរបស់នាង ពិតជាសិចស៊ីអស់មួយទំហឹងតែម្ដង។

ត្បិតថាពីមុនមក គេធ្លាប់ឃើញតារាស្រីរូបនេះលេងខ្លួនសិចស៊ីជាញឹកញាប់ ប៉ុន្តែបង្ហាញមុខម្ដងនេះ Jennie កាន់តែហឹរទ្វេដង ​ទាំងការលេងទឹកមុខ ការកាច់ស្ទីលដងខ្លួន និងម៉ូដសម្លៀកបំពាក់ផងនោះ បានធ្វើឱ្យនាងរឹតតែទាក់ទាញ និងលេចធ្លោមិនធម្មតា។ ក្នុងនាមជាទូតសុឆន្ទៈសកលឱ្យម៉ាក Calvin Klein សមាជិក Blackpink រូបនេះ មិនត្រឹមតែធ្វើឱ្យយីហោរបស់ខ្លួនតំណាងកាន់តែល្បីល្បាញនោះទេ នាងក៏ជាចំណែកជួយឱ្យ CK លក់ដាច់មួយកម្រិតទៀផងដែរ។

ក្រៅពីវត្តមានរបស់ Jennie យុទ្ធនាការ Calvin Klein Fall 2023 នៅមានតារាល្បីៗជាច្រើនរូបទៀតចូលរួមដូចជា Jungkook សមាជិក BTS និងកំពូលតារាបង្ហាញម៉ូដ Kendall Jenner ជាដើម៕

ប្រែសម្រួល៖ សន្យា

ចុចអាន៖ លេចរូបភាព Lisa ផ្អែមល្ហែមជាមួយទាយាទស្នងមរតកប្រេន LV កាន់តែច្បាស់ជាងមុន

ចុចអាន៖ ឌីជេ សូដា ត្រូវគេបំពានកេរ្តិ៍ខ្មាស នៅឯមហោស្រពតន្ត្រី ប្រទេសជប៉ុន