មិនថតរឿងសោះ មួយឆ្នាំៗ Aum រកចំណូលបានជិត ៦០ម៉ឺនដុល្លារពីប៉ុស្តិ៍លេខ៧

មហាជនកំពុងភ្ញាក់ផ្អើល ក្រោយដឹងតម្លៃខ្លួនកំពូលតារាជួរមុខថៃ Aum Patcharapha ទាំងដែលនាងមិនថតរឿងភាគសោះ ក៏អាចរកចំណូលបានជិត ៦០ម៉ឺនដុល្លារក្នុងមួយឆ្នាំ ពីទូរទស្សន៍ប៉ុស្តិ៍លេខ៧ ។

យោងតាមការចុះផ្សាយពី Human Toot បានទម្លាយព័ត៌មានកុងត្រារបស់កំពូលតារាស្រី Aum ជាមួយភ្នាក់ងារ Channel 7HD ឱ្យដឹងថា ក្នុងមួយឆ្នាំៗ តារាវ័យ ៤៤ឆ្នាំរូបនេះ ទទួលចំណូលចំនួន ២០លានបាត (ប្រហែល ៥៦៤,៦០០ដុល្លារអាមេរិក) ក្នុងនាមជាទូតសុឆន្ទៈឱ្យប៉ុស្តិ៍។ ការងាររបស់នាងគ្រាន់តែថតរូបដាក់លើក្របប្រតិទិនរបស់ប៉ុស្តិ៍ប៉ុណ្ណោះ ហើយប្រសិនបើនាងទទួលថតភាពយន្ត ប៉ុស្តិ៍លេខ៧ ត្រូវចំណាយលើនាងតាមតម្លៃទីផ្សារភាពយន្ត ក្នុងនាមនាងជាកំពូលតារាលំដាប់ A។

បច្ចុប្បន្នលេចឮព័ត៌មានចចាមអារ៉ាមថា ប៉ុស្តិ៍ទូរទស្សន៍ផ្សេងកំពុងដណ្ដើមចង់បាន Aum ទៅធ្វើការជាមួយពួកគេ ខណៈតម្លៃខ្លួនរបស់នាងកើនដល់ ៣០លានបាត ​(ប្រហែល ៨៤៧,៣០០ដុល្លារអាមេរិក) ក្នុងមួយឆ្នាំ ប៉ុន្តែត្រូវនាងដដិសេធ៕

ប្រែសម្រួល៖ សន្យា

ចុចអាន៖ តាមពិតប៉ុស្តិ៍​លេខ ​៧ ឲ្យតម្លៃខ្លួន Aum មួយឆ្នាំៗរាប់លានដុល្លារ ទើបនាងមិនដាច់ចិត្តចាកចេញ

ចុចអាន៖ Jennie សិចស៊ីអស់ដៃ ក្នុងយុទ្ធនាការផ្សព្វផ្សាយយីហោ CK