ជីវិតកម្សាន្ដ

Pinky ងាកមកចាប់អាជីពជាអ្នកលក់មឹកបំពងតាមផ្លូវវិញ

បានផុស

១ year មុន

នៅ

ថ្ងៃព្រហស្បតិ៍ ១៧ សីហា ២០២៣

ដោយ

តារាសម្ដែង Pinky Savika បានបង្កើតភាពភ្ញាក់ផ្អើលជាថ្មីម្ដងទៀត នៅពេលដែលបណ្ដាញសង្គមបានបង្ហាញពីបច្ចុប្បន្នភាពនៃជីវិតក្នុងអំឡុងពេលនេះរបស់នាង ក្នុងការងាកមកចាប់អាជីពជាអ្នកលក់មឹកបំពងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈឃ្លិបខ្លីមួយលើបណ្ដាញសង្គម TikTok ផ្ទាល់ខ្លួនរបស់នាងបានបង្ហាញឲ្យឃើញតារាស្រីរូបនេះកំពុងបញ្ចេញសកម្មភាពលាយគ្រឿងបំពងជាមួយម្សៅនៅនឹងមុខចង្ក្រានយ៉ាងស្ទាតជំនាញ ហើយក៏មិនភ្លេចញញឹមមកកាន់កាំម៉េរាដាក់អ្នកគាំទ្ររបស់នាងផងដែរ។

ជាមួយគ្នានេះដែរ Pinky Savika បានបញ្ចាក់ខេបសិនមួយយ៉ាងខ្លីថា ត្រៀមបង្ហាញជូនអ្នករាល់គ្នា! កុំភ្លេចមកគាំទ្រពួកយើងផង។ ក្នុងនោះមានការគាំទ្រជាច្រើន ពីសំណាកមហាជនថា នាងពិតជាមនុស្សពូកែតស៊ូខ្លាំង ត្បិតថាមានបញ្ហាយ៉ាងណាក៏ដោយតែនៅតែអាចក្រោកឈរមកដោយស្នាមញញឹម។ ដែលនេះ មនុស្សធម្មតាបើសិនជួបរឿងរ៉ាវធ្ងន់កបែបនេះ ប្រាកដណាស់ គេនឹងដួលសឹងថាលែងក្រោកមិនខាន។

ទោះយ៉ាងណាក៏ដោយ នេះក៏មិនមែនជាលើកទីមួយសម្រាប់ Pinky Savika ឡើយ ក្នុងការបង្ហាញពីជំនាញលក់អាហារតាមផ្លូវ។ កាលពីប៉ុន្មានខែមុន នាងក៏លក់មាន់បំពងយ៉ាងស្វាហា ប់ដោយមិនមានភាពខ្មាសអៀនសូម្បីតែបន្តិចណាឡើយ៕