Aff មានឋានៈអ្វីក្នុងបេះដូងលោក Pita ពេលនេះម្ចាស់ខ្លួនចេញមុខបញ្ជាក់ច្បាស់

តាំងពីគណបក្សចលនាឆ្ពោះទៅមុខ (Move Forward)​ របស់លោក ភីថា លីមចារើនរ៉ាត់ (Pita Limjaroenrat) ឈ្នះឆ្នោតកាលពីខែឧសភាកន្លងទៅ​ ព័ត៌មានចចាអារ៉ាមស្នេហារវាងលោក និងតារាសម្ដែង Aff Taksorn នៅតែបន្តចែករំលែក ខណៈភាគីទាំងសងខាងពុំធ្លាប់ចេញមុខបកស្រាយពីទំនាក់ទំនងរបស់ពួកគេនោះទេ។

ទើបតែថ្មីៗនេះ ក្រោយពេលលោក ភីថា បាត់ឱកាសក្លាយជានាយករដ្ឋមន្ត្រីថៃ លោកបានចេញមុខផ្ដល់បទសម្ភាសន៍ពាក់ព័ន្ធនឹងលទ្ធិប្រជាធិបតេយ្យនៅក្នុងប្រទេស ​និងឆ្លៀតបញ្ជាក់ពីស្ថានបេះដូងរបស់ខ្លួន ព្រមទាំងឋានៈរបស់ Aff នៅក្នុងចិត្តរបស់លោកផងដែរ។

នៅក្នុងបទសម្ភាសន៍ បុរសវ័យ ៤២ឆ្នាំ បាននិយាយថា “បេះដូងរបស់ខ្ញុំនៅតែជាមួយប្រជាជន និងកូនស្រីប៉ុណ្ណោះ។ ពេលនេះកំពុងផ្តោតលើការងារនយោបាយ និងការថែទាំកូន” ។ ចំណែកព័ត៌មានដែលថា លោកមានទំនាក់ទំនងស្នេហាជាមួយតារាស្រី Aff វាមិនពិតទាល់តែសោះ ព្រោះលោកនិងនាងត្រឹមជា​មិត្ត ហើយជាមិត្តល្អទៀតផង។ ជាមួយគ្នាដែរ បុរសពោះម៉ាយរូបនេះ ស្នើឱ្យមហាជនកុំឱ្យមានការសង្ស័យ ឬយល់ច្រឡំបន្តទៀត ទោះបីអ្នកទាំងពីរនៅទំនេរដូចគ្នាក៏ដោយ៕

ប្រែសម្រួល៖ សន្យា

ចុចអាន៖ តុលាការធម្មនុញ្ញ ថៃ បដិសេធមិនពិនិត្យមើលញត្តិដែលទាមទារឲ្យលោក Pita ឈរឈ្មោះជានាយករដ្ឋមន្ត្រីសាជាថ្មី

ចុចអាន៖ បុរសចង់បានបេះដូង Matt គ្រាន់តែមាន ៣ ចំណុចសាមញ្ញប៉ុណ្ណោះ