ជីវិតកម្សាន្ដ

តារាស្រី៣ដួង ដែលមានសេចក្តីសុខខ្លាំង ក្រោយរួមរស់ជាមួយស្វាមីក្មេង

បានផុស

៤ years មុន

នៅ

ថ្ងៃសៅរ៍ ៣០ មករា ២០២១

ដោយ

មហាជននិងអ្នកគាំទ្រកាន់តែចាប់អារម្មណ៍ខ្លាំង ចំពោះការសាងសុភមង្គលស្នេហាយ៉ាងផ្អែមល្ហែមរវាងតារាស្រីវ័យជ្រេចំនួន៣រូប ដែលមានឈ្មោះល្បីលើវិថីសិល្បៈខ្មែរ នាពេលបច្ចុប្បន្នពោល គឺកំពុងតែមានភាពស្អិតល្មួតប្រៀបដូចដូចជាស្រកតាំងម៉ែ។

ជាការពិតបើតាមការកត់សម្គាល់ សម្រាប់តារាស្រីទាំង៣ដួងនេះ មិនត្រូវតែមានប្រជាប្រិយភាពនិងទទួលបានការគាំទ្រពីទស្សនិកជនលើវិស័យសិល្បៈនោះទេ គឺពួកគេថែមទាំងមានការកោតសរសើរ ផងដែរ ចំពោះជីវិតឯកជនតាមរយៈការសាងសុភមង្គលស្នេហាដ៏មានភាពកក់ក្តៅហើយសេចក្តីសុខផងនោះ។

១.អ្នកនាង ស្រី គង់ សុជាតិ ត្រូវបានគេចាត់ទុកជាពិធីការិនីមួយរូប ដែលមានវោហារសព្ទមិនចេះរីងស្ងួតនិងសម្រស់មិនចេះចាស់ ហើយក៏អាចចាត់ទុកជាពិធីការិនីក្នុងប្រទេសលំដាប់ជួរមុខ។ទាំងអស់នេះហើយ ដែលធ្វើឲ្យ អ្នកស្រី គង់ សុជាតិ ក្លាយជាតារាមួយដួងផ្នែកពិធីការិនីក្នុងដួងចិត្តប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីការិនី គង់ សុជាតិ និងស្វាមីក្មេងលោក ជា វិបុល បានដឹកដៃគ្នាចូលរោងនាអំឡុងចុងឆ្នាំ២០១៣ ហើយបើគិតរហូតមកដល់ពេលបច្ចុប្បន្ននេះ ពួកគេបានរស់នៅដោយការចុះសម្រុងគ្នានិងមានសុភមង្គល ខណៈដែលក្នុងឆ្នាំ២០១៩អ្នកទាំងពីរ ក៏បានបង្កើតកូនស្រីម្នាក់ដ៏ស្រស់ស្អាតបានដាក់ឈ្មោះថា ជា សុជាតិនារី ជាចំណងដៃអាពាហ៍ពិពាហ៍។

២. បើក្រឡេកមកមើលចំណងស្នេហ៍ប្តីក្មេងរវាងតារាចម្រៀងពហុជំនាញអ្នកនាង ខាត់ សុឃីម និងអតីតតារាសម្តែងលោម អ៊ិន សុបញ្ញា ហៅ ផាណូ គឺគិតមកដល់ពេលនេះ ក៏មិនតិចឆ្នាំហើយដែរ ខណៈចំណងស្នេហ៍ពួកគេក៏ទទួលបានកូនស្រីស្រស់ស្អាតម្នាក់គួរឲ្យក្នាញ់។ លើសពីទ្រព្យគាប់ស្នេហ៍លើវិថីជីវិតអាពាហ៍ពិពាហ៍ស្វាមីក្មេងនេះដែរ លោក ផាណូ ក៏ធ្វើឲ្យប្រពន្ធកាន់តែស្កប់នឹងទឹកចិត្តប្តីក្មេង ដែលចេះស្រលាញ់ថ្នាក់ថ្នមយល់ចិត្ត ផងដែរ។

៣. តារាសម្តែង សូ ដានីតា ថ្វីត្បិតតែចំណងអាពាហ៍ពិពាហ៍មិនទាន់លេចចេញជាតម្រុយក៏ពិតមែន តែសម្រាប់ចំណងស្នេហារវាងតារាស្រីរូបស្រស់ សូ ដានីតា នឹងគូដណ្តឹងវ័យក្មេងពេលនេះ បានឈានដល់ដំណាក់កាលនៃការរួមរស់ក្រោមដំបូលផ្ទះតែមួយជាមួយគ្នាដូចប្តីប្រពន្ធ។ មិនតែប៉ុណ្ណោះ ពួកគេក៏កំពុងត្រៀមខ្លួនទទួលសមាជិកថ្មី(កូន)ក្នុងពេលឆាប់ៗនេះទៀតផង។ បច្ចុប្បន្នគូស្នេហ៍ពួកគេ កំពុងតែផ្អែមល្ហែមនិងមានសេចក្តីសុខបំផុត៕