មហាជនរិះគន់ Kratae ក្រោយពេលនាងទម្លាយការពិតថាខ្លួនជាសិស្សគ្រូ ​កៃកែវ

មហាជន ក៏ដូចជាអ្នកគាំទ្រមួយចំនួនរបស់តារាចម្រៀង Kratae Rsiam បានសម្ដែងការខកចិត្ត ព្រមទាំងរិះគន់លើតារាស្រីរូបនេះខ្លាំងៗផងដែរ បន្ទាប់ពីនាងទម្លាយទៅកាន់សាធារណជនថា ខ្លួនជាសិស្សរបស់គ្រូ កៃកែវ អស់ពេលជាច្រើនឆ្នាំមកហើយ។

ប្រិយមិត្តជាច្រើនច្បាស់ជាបានជ្រាបរួចមកហើយអំពីភាពល្បីល្បាញរបស់រូបសំណាកគ្រូ កៃកែវ ដែលប្រជាជនថៃរាប់សិបនាក់កំពុងនាំគ្នាផ្អើលគោរពបូជាភ្លូកទឹកភ្លូកដី រហូតបង្កនូវការជជែកវែកញែកអស់ជាច្រើនសប្ដាហ៍រវាងអ្នកជឿ និងអ្នកមិនជឿ។

ជាមួយគ្នានេះ ស្រាប់តែលេចមុខតារាចម្រៀងសិចស៊ី និងមានប្រជាប្រិយមួយរូបរបស់ព្រះរាជាណាចក្រថៃ​គឺកញ្ញា Kratae បានចូលរួមគោរពបូជាដល់គ្រូ កៃកែវ ព្រមទាំងអះអាងថា នាងជាសិស្សរបស់គ្រូរូបនេះអស់ពេល ២០ឆ្នាំមកហើយ ពោលតាំងពីនាងមានអាយុ ១៥ឆ្នាំមកម្ល៉េះ។

ក្រោយបណ្ដាញព័ត៌មានបញ្ចេញវីដេអូ តារាស្រីវ័យ ៣៥ឆ្នាំ នាំគ្រួសារទៅឧទ្ទិសដល់រូបសំណាកគ្រូ កៃកែវ នៅលើបណ្ដាញសង្គម វាបានបង្កឱ្យមានមតិរិះគន់លើរូបនាង ចំពោះអប្បិយជំនឿមួយនេះ ព្រោះពួកគេចាត់ទុកជាជំនឿដ៏ងងឹតងងុល ហើយពួកគេក៏បានសម្ដែងការខកចិត្ត មិនគួរអាយដលពួកគេទៅ​បន់​ស្រន់អ៊ីចឹងសោះ ៕

ប្រែសម្រួល៖ សន្យា

ចុចអាន៖ ខ្លះៗអំពីរូបសំណាកគ្រូ កៃកែវ ដែលប្រជាជនថៃកំពុងផ្អើលគោរពបូជា ភ្លូកទឹកភ្លូកដី

ចុចអាន៖ ប្រជាជនថៃ ២ ក្រុម សំណូមពរឲ្យផ្លាស់ទីតាំងគ្រូកៃកែវ ដោយសារបង្កភាពភ័យខ្លាច