មកទល់ពេលនេះ Britney Spears មានស្វាមី ៣ នាក់ហើយ

Britney Spears តារាចម្រៀងអាមេរិកវ័យ ៤១ ឆ្នាំ ដែលគ្រប់គ្នាស្គាល់ថាជាម្ចាស់បទ “Baby One More Time” លែងលះគ្នាជាលើកទី ៣ ហើយ ។

កាលពីឆ្នាំ ២០០៤ Britney បានរៀបការជាមួយលោក Jason Alexander ដែលត្រូវជាមិត្តភ័ក្ដិយូរឆ្នាំរបស់នាង ប៉ុន្តែមង្គលការនេះត្រូវបញ្ចប់ក្នុងរយៈពេល ៥៥ ម៉ោងប៉ុណ្ណោះ ។

មិនយូរប៉ុន្មាននាងក៏មានទំនាក់ទំនងជាមួយអ្នករាំឈ្មោះ Kevin Ferderline រហូតរៀបការមានកូនប្រុស ២ នាក់គឺ Sean និង Jayden ។ ស្រដៀងជីវិតគូមុនដែរ Britney និង Kevin បានលែងលះគ្នានៅឆ្នាំ ២០០៧ ។

មកដល់ឆ្នាំ ២០១៦ ទើប Britney ជួបលោក Sam Asghari ក្នុងវីដេអូបទចម្រៀង Slumber Party ហើយឈានដល់ការភ្ជាប់ពាក្យនៅឆ្នាំ ២០២១ ។

ពួកគេបានរៀបការជាមួយគ្នានៅឆ្នាំ ២០២២ ខែមិថុនា ស្រាប់តែ ១៤ ខែក្រោយ លោក Sam ប្រកាសចង់លែងលះ ដោយសាររស់នៅមិនចុះសម្រុងគ្នា ៕

ប្រែសម្រួល៖ វារី

ប្រភព៖ coopwb

ចុចអាន៖ ដាក់ពាក្យលែងលះរួច អតីតស្វាមី Britney Spears ទទួលបានទ្រព្យ ១០លានដុល្លារ