ពីមុនមិនហ៊ានបង្ហាញទំនាក់ទំនងគូជាសាធារណៈ តាមពិតមកពី ​James Jirayu ខ្លាចចិត្តអ្នកគាំទ្រ

តាំងពីប្រកាសទំនាក់ទំនងស្នេហាជាសាធារណៈ តារាសម្ដែង James Jirayu ពុំសូវបង្ហាញភាពផ្អែមល្ហែមជាមួយគូស្នេហ៍ញឹកញាប់ឡើយ ​ថែមទាំងមិនសូវបានចំណាយពេលដើរលេងកម្សាន្តឆ្ងាយៗជាមួយគ្នាទៀតផង ដែលរឿងនេះលោកធ្លាប់បទសម្ភាសន៍ថាខ្លួនក៏មានការរអៀសចិត្តចំពោះមិត្តស្រីដែរ។

កាលពីពេលកន្លងមក កម្លោះសម្បូរស្នេហ៍ James Jirayu ធ្លាប់ឱ្យដឹងថា ខ្លួនរវល់ពេកទើបមិនសូវចំណាយពេលជាមួយ Foam ដែលជាមិត្តស្រីរបស់លោក។ ផ្ទុយទៅវិញនាពេលថ្មីៗនេះ មហាជនបានដឹងការពិតមួយផ្សេងទៀត ព្រោះមូលហេតុដែល James មិនសូវបង្អួតរូបគូ មិនមែនដោយសាររវល់តែមួយប៉ុណ្ណោះទេ គឺបណ្ដាលមកពីខ្លាចអ្នកគាំទ្រមិនពេញចិត្ត ហើយវាយប្រហារទៅលើ Foam ។

យ៉ាងណាមិញ នៅក្នុងបទសម្ភាសន៍ថ្មីចុងក្រោយនេះ តារាប្រុសវ័យ ២៩ឆ្នាំ ទម្លាយអារម្មណ៍រីករាយសប្បាយចិត្ត ត្បិតតាំងពីប្រកាសទំនាក់ទំនងផ្លូវការមក ហ្វេនៗហាក់សម្ដែងក្ដីត្រេកអរជាមួយ និងគាំទ្រសកម្មភាពរបស់លោកនិងគូស្នេហ៍ ព្រមទាំងនិយាយថា James រើសមនុសស្សស្រីត្រូវទៀតផង។

តាមពិតពីមុនមកតារាសម្ដែងរូបនេះមិនចង់និយាយរឿងស្នេហារបស់ខ្លួន ឬបង្ហាញអ្វីទាក់ទងនឹង Foam នោះទេ ព្រោះនៅមានទស្សនិកជនមួយចំនួនមិនទាន់ត្រៀមឱ្យលោកមានមិត្តស្រីឡើយ។ ប៉ុន្តែ​ក្រោយ​ពេល​អ្នក​ទាំង​ពីរ​បើកចំហ​ទំនាក់ទំនង​ស្នេហា មាន​មនុស្ស​ជា​ច្រើនតាមគាំទ្រ​យ៉ាងពេញចិត្ត៕

ប្រែសម្រួល៖ សន្យា

ចុចអាន៖ ឃើញ James Ma ផ្អែមល្ហែមនឹងគ្នាញឹក James Jirayu ថាចង់រៀនតាម

ចុចអាន៖ មហាជនរិះគន់ Kratae ក្រោយពេលនាងទម្លាយការពិតថាខ្លួនជាសិស្សគ្រូ ​កៃកែវ