ជីវិតកម្សាន្ដ

លីវ ជីលី សោកស្ដាយដែល អ៊ិន លក្ខិណា មិនបានមកុដ MGC2023

បានផុស

១ year មុន

នៅ

ថ្ងៃអាទិត្យ ២០ សីហា ២០២៣

ដោយ

ម្ចាស់មកុដ Miss Grand Cambodia ២០២០ បវរកញ្ញា លីវ ជីលី បានសម្ដែងការសោកស្ដាយ បន្ទាប់ពីកញ្ញា អ៊ិន លក្ខិណា មិនទទួលបានជ័យជម្នះក្នុងការប្រកួត Miss Grand Cambodia២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ការលេចវត្តមានរបស់កញ្ញា អ៊ិន លក្ខិណា ក្នុងការប្រកួតកម្មវិធី Miss Grand Cambodia២០២៣ នេះ មានមហាជនជាច្រើនបានដាក់ក្ដីសង្ឃឹមថា នាងអាចដណ្ដើមមកុដឆ្នាំនេះ។ ប៉ុន្តែរឿងដែលសោកស្ដាយនោះ នាងមិនអាចប្រជែងបាននូវជ័យជម្នះនេះឡើយ ខណៈម្ចាស់មកុដបានទៅលើកញ្ញា ភឹម ស្រីនោ Miss Grand តំណាងភ្នំពេញ។

ដោយឡែកបើចាប់អារម្មណ៍កញ្ញា លីវ ជីលី ដែលជារៀមច្បង ក៏បានបង្ហាញការសោកស្ដាយដោយលើកឡើងថា «បងចូលរួមសោកស្ដាយដែលអូនមិនបានមកុដ Leakena In បងសោកស្ដាយខ្លាំងបំផុត»។ ជាមួយគ្នានោះ ក៏មានមតិរបស់អ្នកគាំទ្រមួយចំនួនបានយល់ឃើញដូច ជីលី ផងដែរ។

គេចាំបានថា កញ្ញា អ៊ិន លក្ខិណា ជាអតីតកញ្ញាឯកលំដាប់រងទី ១ កញ្ញាឯកដ៏អស្ចារ្យ នៃកម្ពុជា ឆ្នាំ ២០២១ (Miss Grand Cambodia 2021) និងជាម្ចាស់មកុដ Miss Supranational Cambodia2022 ដែលទទួលបានការគាំទ្រច្រើនពីមហាជននាពេលកន្លងមក។

យ៉ាងណាមិញកាលពីថ្មីៗនេះ នាង ក៏បានចូលខ្លួនប្រកួតដណ្ដើមមកុដ Miss Grand Cambodia 2023 ដោយការប្ដេជ្ញាខំប្រឹងឲ្យអស់ពីសមត្ថភាពក្នុងការប្រកួត Miss Grand2023 ទៀតផង។ ប៉ុន្តែរឿងដែលសោកស្ដាយនោះ នាង មិនអាចប្រជែងបានជ័យជម្នះឡើយ៕

អត្ថបទ ៖ ចាន់រ៉ា