ជីវិតកម្សាន្ដ

តារាកំប្លែង នាយ ក្រឹប ប្រកាសសុំជំនួយឈាម ៣ ប្លោក សង្គ្រោះបងស្រីឈឺធ្ងន់

បានផុស

២ years មុន

នៅ

ថ្ងៃចន្ទ ២១ សីហា ២០២៣

ដោយ

តារាកំប្លែងមាឌល្អិត នាយ ក្រឹប អំពាវនាវសុំជំនួយជួយសង្គ្រោះពីមហាជន អ្នកគាំទ្រ បរិច្ចាគឈាមចំនួន ៣ សាក់(ប្លោក) ដើម្បីព្យាបាលបងស្រីដែលកំពុងតែមានជំងឺឈឺធ្ងន់សម្រាកនៅមន្ទីរពេទ្យ ដោយក្ដីព្រួយបារម្ភខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយ ក្រឹប បានបង្ហោះភ្ជាប់រូបភាពដូច្នេះថា «អត់ពីពុកម៉ែទៅ បងប្អូនយើងមានតែបីនាក់ ពេលនេះគឺបងស្រីឈឺធ្ងន់ត្រូវការឈាមចំនួន ៣ សាក់»។ តារាកំប្លែងនាយ ក្រឹប បញ្ជាក់ថា «បងប្អូនអាចធ្វើការទំនាក់ទំនងតាមរយៈលេខទូរស័ព្ទ, ០៩៨ ៦៧ ៧២ ៧៥»។ បើតាមការឲ្យដឹងបន្ថែមពីនាយ ក្រឹប បងស្រីរបស់លោកបច្ចុប្បន្នកំពុងសម្រាកនៅមន្ទីរពេទ្យកាល់ម៉ែត។

ជាមួយគ្នា នៃដំណឹងនេះ បានធ្វើឲ្យអ្នកគាំទ្រ ព្រមទាំងសិល្បករ-សិល្បការិនីមួយចំនួន ផ្ញើសារចូលរួមសួរសុខទុក្ខ និងជូនពរឲ្យបងស្រីរបស់តារាកំប្លែងនាយ ក្រឹប ឆាប់បានជាសះស្បើយពីជំងឺផងដែរ។ ក្នុងនោះ ក៏មានខ្លះទៀត មានបំណងបរិច្ចាគឈាមជួយសង្គ្រោះបងស្រីនាយ ក្រឹប ដែរ។

គួរជម្រាបថា តារាកំប្លែងនាយ ក្រឹប មានទីកន្លែងកំណើតនៅទឹកដីឃុំត្រពាំងស្ដៅ ស្រុករមាសហែក ខេត្តស្វាយរៀង ហើយបច្ចុប្បន្នមានប្រពន្ធ និងកូនចំនួន ៣ នាក់។ កន្លងមក ត្រូវបានគេបង្ហើបថា គ្រួសារ នាយ ក្រឹប មិនសូវជាមានជីវភាពធូរធារប៉ុន្មានទេ ព្រោះអាជីពសិល្បៈមួយរយៈចុងក្រោយនេះហាក់ពុំសូវមានទីផ្សារសម្ដែង៕

អត្ថបទ ៖ ចាន់រ៉ា