ជីវិតកម្សាន្ដ

អ្នកគ្រប់គ្រងស្ថាប័ន MGC បញ្ជាក់ថា កម្មវិធីត្រូវតែសុក្រឹត ឱកាសមានតែ ១ នាទីទេ

បានផុស

១ year មុន

នៅ

ថ្ងៃចន្ទ ២១ សីហា ២០២៣

ដោយ

បន្ទាប់ពីមានការវែកញែកជុំវិញលទ្ធផលនៃការប្រកួតកម្មវិធី Miss Grand Cambodia 2023
អ្នកនាង អ៉ឹម សុគន្ធា ដែលជាអ្នកគ្រប់គ្រងស្ថាប័ន MGC 2023 បានចេញមុខបញ្ជាក់ច្បាស់ៗថា កម្មវិធីត្រូវតែសុក្រឹត ព្រោះឱកាសមានតែ ១ នាទីទេ សម្រាប់បេក្ខភាពដែលអាចដណ្ដើមបានជ័យជំនះនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង អ៉ឹម សុគន្ធា បានផ្តល់នូវមតិផ្ទាល់ខ្លួនថា បេក្ខនារីទាំងអស់ចូលប្រើពេលវេលាមួយនេះយកបទពិសោធន៍ហាត់រៀនហើយរៀបចំខ្លួនឱ្យរួចរាល់ជាបវរកញ្ញាសម្រាប់ឆ្នាំណាមួយ ស្វែងយល់ពីកម្មវិធីថា Grandត្រូវការអ្វី?។

អ្នកនាង អ៉ឹម សុគន្ធា បានលើកឡើងថា «នាងខ្ញុំមិនខឹង មិនអន់ចិត្តទេសម្រាប់បងប្អូនមួយចំនួនដែលគាត់គិតមកលើខ្ញុំយ៉ាងណា តែនាងខ្ញុំបានប្រាប់ហើយកម្មវិធីត្រូវតែសុក្រឹត ខ្វះតែបន្តិចក៏មិនបានដែរ ឱកាសមានតែ ១នាទីទេ»។

អ្នកគ្រប់គ្រងស្ថាប័ន MGC 2023 រូបនេះបញ្ជាក់ថា «បើចង់ឱ្យ idol របស់អ្នកទទួលបានមកុដនៅឆ្នាំណាមួយត្រូវតែចេះលើកទឹកចិត្តគាត់ កុំបង្កបញ្ហា ពីព្រោះកម្មវិធីនេះនាងខ្ញុំរៀបចំអស់ថវិកាច្រើនណាស់ យកបេះដូងនឹងក្ដីស្រលាញ់មកធ្វើជូនដល់ជាតិ សូមប្រើសារcommentរបស់អ្នកមកជាប្រយោជន៍ដល់បេក្ខនារីដែលអ្នកស្រលាញ់នឹងផ្ដល់កម្លាំងចិត្តដល់ក្រុមការងារMiss grand ទាំងអស់ពួកគាត់អត់បានគេងជាង ១០ថ្ងៃហើយ»។

អ្នកនាង អ៉ឹម សុគន្ធា បាននិយាយទៀតថា បេក្ខនារីទាំងអស់ចូលប្រើពេលវេលាមួយនេះយកបទពិសោធន៍ហាត់រៀន ហើយរៀបចំខ្លួនឱ្យរួចរាល់ជាបវរកញ្ញាសម្រាប់ឆ្នាំណាមួយស្វែងយល់ពីកម្មវិធីថា Grandត្រូវការអ្វី? នោះអ្នកនឹងមានសំឡេងគាំទ្រកាន់តែខ្លាំងទូទាំងប្រទេស ១០០ភាគរយ ដើម្បីត្រៀមខ្លួនទៅយក មកុដ ឱ្យប្រទេសកម្ពុជានៅថ្ងៃណាមួយ។

អ្នកនាងបន្ថែមថា «ទោះបីជាការជ្រើសរើសមួយនេះ បងប្អូនមួយចំនួនមិនពេញចិត្តតែនាងខ្ញុំគិតថា ការជ្រើសរើសរបស់ខ្ញុំសក្ដិសមបំផុតដែលខ្ញុំជាអ្នកដឹកនាំនៃកម្មវិធី Miss Grand Cambodia 2023។ ខ្មែរស្រលាញ់ខ្មែរប្រទេសតូចតែបេះដូងធំសូមលើកទឹកចិត្តដល់គាត់ Phoem Sreyno ដែលបវរកញ្ញាតំណាងប្រទេសកម្ពុជាឆ្នាំ 2023ទាំងអស់គ្នាក្នុងនាមជាខ្មែរដូចគ្នា»។

សូមបញ្ជាក់ថា បន្ទាប់ពីឆ្លងកាត់នូវការប្រកួតវគ្គជម្រុះជាច្រើនខែកន្លងមកនោះ ទីបំផុតបានរកឃើញម្ចាស់មកុដបវរកញ្ញា Miss Grand Cambodia 2023គឺបានទៅលើកញ្ញា ភឹម ស្រីនោ ដែលជា Miss Grandតំណាងភ្នំពេញ៕

អត្ថបទ៖ ចាន់រ៉ា