ទម្រាំក្លាយជាម្ចាស់មកុដ បវរកញ្ញាចក្រវាលថៃឆ្នាំ ២០២៣ Anntonia មានប្រវត្តិប្រកួតច្រើនដង

ក្រោយប្រកួតសម្រស់យ៉ាងស្វិតស្វាញអស់រយៈពេលច្រើនខែ ទីបំផុតកម្មវិធី Miss Universe Thailand ឆ្នាំ ២០២៣ រកឃើញម្ចាស់មកុដ បានទៅលើនាង Antonia Porsild អាយុ ២៦ ឆ្នាំ តំណាងឲ្យ​ខេត្តនគររាជសីមា (​Nakhon Ratchasima) ។

បវរកញ្ញា​រូបនេះបាន​គ្រង​មកុដ Miss Universe Thailand ឆ្នាំ២០២៣ កាលពីយប់ថ្ងៃអាទិត្យ ហើយនឹងត្រូវ​​តំណាងឲ្យ​ប្រទេសថៃ ទៅប្រកួតនៅក្នុងកម្មវិធី​ប្រកួត​បវរកញ្ញា​ចក្រវាល​ដែលនឹងប្រារព្ធឡើង​នៅប្រទេស El Salvador នាចុងឆ្នាំ​២០២៣។

យ៉ាងណាមិញ ដើម្បីឈោងចាប់តំណែងរាជិនីសម្រស់ នាង Anntonia Porsild ត្រូវបានគេដឹងថា​ជាបេក្ខនារីជនជាតិថៃ-ដាណឺម៉ាក ​ដែលបញ្ចប់ការ​សិក្សា​បត្របរិញ្ញាបត្រ​ផ្នែក​ទីផ្សារ និង​ទំនាក់ទំនង​សាធារណៈ​ពី​សាកលវិទ្យាល័យ Stamford International។

នាងត្រូវគេស្គាល់ឈ្មោះយ៉ាងច្បាស់តាមរយៈកម្មវិធីទូរទស្សន៍ដ៏​ពេញនិយម “The Face Thailand” ដោយចូលរួមក្នុងរដូវកាលទី១ និងបានជម្រុះសម្រាប់ជុំទី ១៥ ដែលនាងបានក្លាយជាសមាជិកនៃក្រុមរបស់ Ploy Cherman មុនពេលត្រូវបានជម្រុះក្នុងសប្តាហ៍ទី ៧ ដែលធ្វើឲ្យនាងជាប់ចំណាត់ថ្នាក់ទី ១០ ក្នុងរដូវកាលនោះ។

ក្រោយមក ក្នុងឆ្នាំ ២០១៩ នាងបានចូលក្នុងកម្មវិធីប្រកួតសម្រស់ Miss Supranational Thailand 2019 ហើយ​អាច​ដណ្ដើម​បាន​ជ័យលាភី​លេខ​១ និង​ពាន ​ធ្វើ​ឲ្យនាង​តំណាង​ឲ្យប្រទេស​ថៃ​ទៅ​ប្រកួត​នៅ​លើ​ឆាក​អន្តរជាតិ ​ក្នុងកម្មវិធី Miss Supranational 2019 ដោយកាលណោះ នាងបានទទួលជោគជ័យម្តងទៀត ក្នុងតំណែងជាបវរកញ្ញា​ទី១១ ក្នុង​ពិភពលោកដំបូងគេពីប្រទេសថៃដែលអាចឈ្នះពានមួយនេះ។

ដោយឡែក នៅឆ្នាំនេះ Anntonia Porsild បានចូលរួមប្រកួតបវរកញ្ញាចក្រវាលថៃឆ្នាំ ២០២៣ ដែលតំណាងឲ្យ​ខេត្ត Nakhon Ratchasima ដោយសារតែទេពកោសល្យ និងភាពស្រស់ស្អាត នៅទីបំផុតនាងអាចដណ្តើមតំណែង Miss Universe Thailand 2023 នៅថ្ងៃទី២០ ខែសីហា ៕

ប្រែសម្រួល៖ សាង ស្រីល័ក្ខ

ចុចអាន៖អ្នកគ្រប់គ្រងស្ថាប័ន MGC បញ្ជាក់ថា កម្មវិធីត្រូវតែសុក្រឹតឱកាសមានតែ ១នាទីទេ