ជីវិតកម្សាន្ដ

ឃ្លាតឆ្ងាយសិល្បៈ ៥ ឆ្នាំ ឌីជេ ក្តឹប ចង់ចូលច្រៀងវិញ តែគ្មានលុយធ្វើបទភ្លេង

បានផុស

១ year មុន

នៅ

ថ្ងៃអង្គារ ២២ សីហា ២០២៣

ដោយ

តារាចម្រៀងរ៉េបលោក ចាន់ សំណាង ហៅ ឌីជេ ក្តឹប បន្ទាប់ពីស្ងប់ស្ងាត់ ឃ្លាតឆ្ងាយសិល្បៈអស់រយៈពេលប្រមាណ ៥ ឆ្នាំកន្លងមកនោះ ស្រាប់តែថ្មីៗនេះ លោកបានបង្ហាញបំណងចង់ចូលវិស័យចម្រៀង និងច្រៀងវិញ ប៉ុន្តែដោយសារខ្វះលទ្ធភាព គ្មានលុយសម្រួលបទភ្លេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក ឌីជេ ក្តឹប បានឃ្លាតឆ្ងាយពីវិស័យសិល្បៈស្ទើរទាំងស្រុងតែម្ដង ចំណែកអ្នកគាំទ្រវិញនៅតែបង្ហាញបំណងចង់ឃើញលោកចេញបទចម្រៀងស្នាដៃថ្មីៗ ដើម្បីបម្រើអារម្មណ៍ទស្សនិកជន។

ទោះបីមួយរយៈកន្លងទៅ លោក ចាន់ សំណាង ឬ ឌីជេ ក្តឹប មិនសូវមានវត្តមានលើវិថីសិល្បៈក្ដី តែលោកមិនបានបង្ហាញពីការបោះបង់នោះទេ។ ពោល លោក តែងបង្ហាញពីឆន្ទៈស្រលាញ់ និងចង់វិលចូលវិស័យមួយនេះ។

យ៉ាងណារឿងដែលគេចាប់អារម្មណ៍ទៀតនោះ ឌីជេ ក្តឹប មានបំណងចង់ចូលច្រៀងវិញ តែគ្មានលុយធ្វើបទភ្លេង ជាហេតុធ្វើឲ្យលោកស្ទាក់ស្ទើរក្នុងរឿងនេះ។

ឌីជេ ក្តឹប បាននិយាយពីបំណងរបស់ខ្លួនថា «ឃ្លាតឆ្ងាយពីសិល្បៈជាង ៥ ឆ្នាំហើយ ឥឡូវមានអារម្មណ៍ថា ចង់ប្រឡូកនៅក្នុងវិស័យចម្រៀង និងច្រៀងវិញ(តែអត់លុយសម្រួលបទភ្លេង) វេទនាចិត្តណាស់ៗ»។ តាមរយៈការបង្ហើបពីគោលបំណង និងក្ដីស្រមៃរបស់តារារ៉េបឌីជេ ក្តឹប ខាងលើ បានធ្វើឲ្យទស្សនិកជនសម្ដែងការគាំទ្រដូចៗគ្នា ខណៈខ្លះជូនពរឲ្យបំណងប្រាថ្នារបស់ ឌីជេ រូបនេះ សម្រេចបាននាពេលឆាប់ៗខាងមុខ។