Skyfall ត្រូវគេវាយតម្លៃថាជាខ្សែភាពយន្ត James Bond ល្អបំផុតមិនធ្លាប់មាន

Skyfall ត្រូវបានជាប់ឈ្មោះជាខ្សែភាពយន្ត James Bond ល្អបំផុតមិនធ្លាប់មាន បើតាមការស្ទង់មតិមនុស្ស ៣ ៥០០ នាក់ ដែលធ្វើឡើងដោយ William Hill Vegas ។

រឿង Skyfall ឆ្នាំ ២០១២ សម្ដែងដោយលោក Daniel Craig ទទួលបានសំឡេងឆ្នោតលើស ១៧ ភាគរយ ពោលគឺច្រើនជាងគេ ។

ចំណែកឯខ្សែភាពយន្ត Goldfinger របស់ Sean Connery ជាប់ចំណាត់ថ្នាក់លេខ ២ ខណៈខ្សែភាពយន្ត James Bond ចុងក្រោយរបស់ Craig គឺ No Time To Die ជាប់ចំណាត់ថ្នាក់លេខ ៣ ជាមួយនឹងសំឡេងឆ្នោត ៧ ភាគរយប៉ុណ្ណោះ ។

យោងតាមការស្ទង់មតិពីមហាជន លោក Daniel Craig ហាក់ដូចជាតួអង្គសំណព្វរបស់អ្នកទស្សនា ។ ទោះមិនគិតពីការស្ទង់មតិក៏ដោយ រឿង Skyfall ត្រូវបានចាត់ទុកថាជាខ្សែភាពយន្ត Jams Bond ដ៏ល្អបំផុត ចាប់តាំងពីការចាក់ផ្សាយដំបូងក្នុងឆ្នាំ ២០១២ មកម្ល៉េះ ។

រឿងនេះដឹកនាំដោយ Sam Mendes ចំណែកឯសាច់រឿងនិយាយពី James Bond តាមដានជនល្មើសក្នុងការវាយប្រហារ Mi6 ​(អ្នកស៊ើបការណ៍​យោធា ផ្នែកទី ៦) ហើយទីបំផុតគេរកឃើញថា វាជាការងាររបស់ភេរវករម្នាក់ឈ្មោះ Saoul Silva ដែលសម្ដែងដោយលោក Javier Bardem ។

លើសពីនេះ Skyfall ក៏រកប្រាក់ចំណូលបានច្រើនដែល ដល់ទៅ ១.១ ពាន់លានដុល្លារឯណោះ ។ ថែមទាំងឈ្នះពានរង្វាន់អូស្ការចំនួនពីរផងដែរ សម្រាប់បទចម្រៀងល្អបំផុត និងការកែសម្រួលសំឡេងល្អបំផុត ៕

ប្រែសម្រួល៖ វារី

ប្រភព៖ JOE

ចុចអាន៖ កំពូលតារាសម្តែង James Bond 007 នឹងចូលរួមសម្ពោធទីលានសុវត្ថិ​ភាព​នៅ​កម្ពុជា​

ចុចអាន៖ រឿង Avatar វគ្គពីរ ក្លាយជាខ្សែភាពយន្តទី ៦ ក្នុងប្រវត្តិសាស្ត្រ រកចំណូលលើសពី ២ ពាន់លានដុល្លារ