ជីវិតកម្សាន្ដ

លំដាប់រងទី ២ សុំចិត្តកុំដាក់សម្ពាធ ភឹម ស្រីនោ ខណៈត្រៀមទៅប្រកួតនៅវៀតណាម

បានផុស

១ year មុន

នៅ

ថ្ងៃពុធ ២៣ សីហា ២០២៣

ដោយ

ស្រីស្អាត អ៉ិន លក្ខិណា ដែលជាបវរកញ្ញាលំដាប់រងទី២ នៃការប្រកួត Miss Grand 2023 បានចេញមុខស្នើរសុំដោយទទូចដល់មហាជន និងអ្នកគាំទ្រកុំឱ្យដាក់សម្ពាធទៅលើម្ចាស់មកុដកញ្ញា ភឹម ស្រីនោ ដែលទើបនឹងប្រកួតឈ្នះកាលពីថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភឹម ស្រីនោ បន្ទាប់ពីទទួលជ័យជំនះនេះ គឺនាងត្រូវបំពេញកាតព្វកិច្ចដ៏សំខាន់មួយនាពេលខាងមុខនេះ គឺក្លាយខ្លួនជាបវរកញ្ញាតំណាងឱ្យប្រទេសកម្ពុជាទៅចូលរួមលើឆាកអន្តរជាតិក្នុងកម្មវិធី Miss Grand International 2023 ដែលប្រារព្ធឡើងនៅប្រទេសវៀតណាម ដែលការប្រកួតនឹងចាប់ផ្តើមនៅខែតុលាខាងមុខនេះ។ ដោយសារហេតុផលនេះទើប អ៉ិន លក្ខិណា ស្នើរឱ្យមហាជនបញ្ឈប់ការដាក់សម្ពាធបែរមកលើកទឹកចិត្តដល់នាងវិញ។

កញ្ញា អ៉ិន លក្ខិណា បានបញ្ជាក់ថា «សូមឱ្យគាត់ទៅប្រកួតឱ្យប្រទេសទាំងសប្បាយចិត្ត សូមកុំដាក់សម្ពាធឱ្យគាត់បន្ថែមទៀតអី្វ គ្មាននរណាម្នាក់កើតមកមិនចង់ល្អគ្រប់ដប់ទេ អ៊ីចឹងក្នុងនាមជាប្រជាជនខ្មែរគួរ តែចូលរួមលើកទឹកចិត្តគាត់ផង ព្រោះគាត់ជិតដល់ថ្ងៃប្រកួតហើយកុំឱ្យគាត់អស់កម្លាំងចិត្តក្នុងការប្រកួតខ្ញុំជឿជាក់លើបងស៊ូៗបង»។

ក្នុងការទទួលជោគជ័យនេះដែរសម្រាប់សាមីខ្លួន កញ្ញា ភឹម ស្រីនោ ក៏បានសម្តែងការរំភើបខ្លាំងបន្ទាប់ពីក្តីស្រមៃរបស់នាងត្រូវបានសម្រេចដូចបំណងក្នុងវិស័យបវរកញ្ញាដែលបានលះបង់ពេលវេលាជាច្រើនមកហើយនោះ។

ជាការពិតណាស់ ភឹម ស្រីនោ គឺជាក្មេងស្រីម្នាក់ដែលតែងតែដើរ តាមក្តីស្រមៃរហូតក្លាយជាម្ចាស់មកុដ Miss Grand Cambodia 2023 ៕

អត្ថបទ៖ ចាន់រ៉ា