ជីវិតកម្សាន្ដ

រៀមច្បង Anne ត្រូវមហាជនរិះគន់ដូចព្យុះ ក្រោយដឹកនាំរឿងប្រើហិង្សាជ្រុលពេក

បានផុស

២ years មុន

នៅ

ថ្ងៃពុធ ២៣ សីហា ២០២៣

ដោយ

ភាពយន្តថៃមានចំណងជើងថា “Kaen” របស់ប៉ុស្តិ៍លេខ៣ដែលដឹកនាំដោយរៀមច្បង Anne Thongprasom ពេលនេះកំពុងរងការរិះគន់ដូចព្យុះ ក្រោយនាងដាក់អំពើហិង្សាជ្រុលពេកលើតួអង្គនីមួយៗក្នុងរឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមប៉ុណ្ណឹងទេ រាប់ចាប់តាំងពីវគ្គដំបូងរហូតដល់ចប់ រលកនៃការរិះគន់រឿងភាគមួយនេះហាក់មានសន្ទុះយ៉ាងខ្លាំងក្លា ខណៈចូលរួមសម្ដែងដោយតារាស្រី Aff Taksaorn ,Taew Nathaporn និងតារាប្រុស Naphat Siangsomboon ដែលឈុតក្នុងរឿងជាច្រើន ត្រូវមនុស្សជាច្រើនចាត់ទុកថាមិនសមរម្យ ព្រោះវាបង្ហាញក្នុងទម្រង់ដែលប្រើអំពើហិង្សាជ្រុលហួសហេតុពេក។

ទន្ទឹមគ្នានោះដែរ នៅក្នុងភាគបញ្ចប់អ្នកដឹកនាំរឿង Anne នាំមកនូវឈុតអត្តឃាតរបស់តួអង្គបន្ថែម កាន់តែធ្វើឲ្យរឿង “Kaen” រន្ធត់ និងបញ្ចេញការឈឺចាប់ខ្លាំង។ ក្នុងនោះ អ្នកនិយមលេងអ៊ីនធឺណិតជាច្រើនបានចោទអ្នករៀបចំកម្មវិធីថាមិនយល់ពីបរិបទសង្គមដែលផ្លាស់ប្តូរ។ អ្នកតាមដានរឿងមិនចង់មើលរឿងបែបនោះទេ ហើយគួរតែសម្របតាមពេលវេលាឲ្យបានល្អបំផុត។

យ៉ាងណាមិញ កាលពីពេលថ្មីៗនេះ តារាសម្ដែង Anne Thongprasom បានចេញមុខបកស្រាយជុំវិញបញ្ហារឿងភាគដែលខ្លួនជាអ្នកដឹកនាំសម្ដែងថា “ខ្ញុំគ្មានចេតនាដឹកនាំរឿងហិង្សាទេ។ ប៉ុន្តែខ្ញុំទទួលយករាល់ការរិះគន់ និងទទួលការរិះគន់ពីនាយកប្រតិបត្តិរបស់ប៉ុស្តិ៍ ដើម្បីបន្តសិក្សាបន្ថែមទៀត”។

លើសពីនេះទៀតដែរ តារាសម្ដែងរូបនេះនិយាយបន្ថែមទៀតថា ចំពោះរឿងភាគដែលមានការវាយតម្លៃ ១៣+ នោះ Anne បានបង្ហើបថា វាជាការវាយតម្លៃត្រឹមត្រូវដូចដែលបានអនុម័តដោយប៉ុស្តិ៍ទូរទស្សន៍លេខ៣ និងជារឿងដែលមានអត្រា១៣+ ក្នុងឆ្នាំរបស់ប៉ុស្តិ៍ផងដែរ៕