ជីវិតកម្សាន្ដ

ភិន សុដាលីស ថា ជាតិនេះគ្មានសំណាងធ្វើជាផ្កាកុលាបទទួលបានការថ្នាក់ថ្នមទេ

បានផុស

១ year មុន

នៅ

ថ្ងៃព្រហស្បតិ៍ ២៤ សីហា ២០២៣

ដោយ

តារាសម្ដែងស្រីរូបស្រស់កូនមួយអ្នកនាង ភិន សុដាលីស បើទោះបីអាជីពសិល្បៈរបស់នាងហាក់ស្ងប់ស្ងាត់នាមួយរយៈចុងក្រោយនេះពិតមែន តែបច្ចុប្បន្នអ្នកមេម៉ាយចាយរាងរូបនេះ នៅរក្សាបានការគាំទ្រ និងមានរូបសម្ផស្សស្រស់ស្អាតមិនចាញ់ក្រមុំនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែអ្វីដែលកាន់តែធ្វើឲ្យមហាជនអ្នកគាំទ្រចាប់អារម្មណ៍ជាថ្មីនោះ ស្រាប់តែ ភិន សុដាលីស បានចេញមកពោលពាក្យហាក់អស់សង្ឃឹមថា ជាតិនេះនាងប្រហែលគ្មានសំណាងបានធ្វើជាផ្កាកុលាប ដែលទទួលបានការថ្នាក់ថ្នមទេ។ អ្នកនាង ភិន សុដាលីស បានលើកឡើងថា «ជាតិនេះ គ្មានសំណាងបានធ្វើជាផ្កាកុលាបដែលមានពណ៌ស្រស់ឆើតឆាយ រីកបង្អួតកាយទទួលបានការថ្នាក់ថ្នមនោះឡើយ»។

ភិន សុដាលីស បានបន្តថា «បានត្រឹមធ្វើជាដើមដំបងយក្សដែលត្រូវមានដើមរឹងមាំ រូបមិនស្អាត រាងមិនឡូយ ហើយត្រូវមានបន្លាដើម្បីការពារខ្លួនឯង គ្មានអ្នកណាមកថ្នាក់ថ្នម ដើមសុទ្ធតែបន្លា គ្មានរូបស្រស់ឆើតឆាយដូចយើងដែលជាដើមដំបងយក្សនោះទេ រឹងមាំដោយខ្លួនឯង ការពារខ្លួនឯង»។

ប្រយោគខាងលើនេះបានធ្វើឲ្យមហាជនយល់ថា ប្រហែលនាងអស់សង្ឃឹមលើរឿងអ្វីមួយដែលមិនអាចសមប្រកបតាមបំណងដូចអ្នកដទៃ។ ឃើញបែបនេះ ក៏មានការលើកទឹកចិត្តពីសំណាក់អ្នកគាំទ្រ និងមិត្តភ័ក្ដិរបស់នាងផងដែរ។

គួរបញ្ជាក់ថា អ្នកនាង ភិន សុដាលីស កន្លងមកក៏បានជួបប្រទះរឿងរ៉ាវអាស្រូវបែកបាក់ស្នេហ៍ផងដែរ កាលពីអំឡុងពេលប៉ុន្មានឆ្នាំមកនេះ។ ចំពោះការបែកបាក់នោះ ក៏បានបន្សល់ទុកនូវចំណងដៃកូនស្រីដ៏ស្រស់ស្អាតម្នាក់ ដែលសព្វថ្ងៃកំពុងរស់នៅយ៉ាងមានសេចក្ដីសុខជាមួយនាងក្នុងនាមម្ដាយដ៏ល្អ៕

អត្ថបទ ៖ ចាន់រ៉ា