តារាជើងចាស់ Sinjai វះកាត់កែសម្ផស្ស សម្រស់ក្មេងជាងមុន ២០ឆ្នាំ

ទស្សនិកជនរាប់សិបនាក់​ទាំងក្នុង និងក្រៅប្រទេស ពិតជាមានការភ្ញាក់ផ្អើលយ៉ាងខ្លាំង ក្រោយពេលតារាសម្ដែងជើងចាស់របស់ថៃ អ្នកស្រី Sinjai Plengpanich ​បានបង្ហាញសម្រស់ក្មេងជាងវ័យជិត ២០ឆ្នាំ បន្ទាប់ពីធ្វើការវះកាត់កែសម្ផស្សរួចមក។

តាមរយៈវីដេអូខ្លី និងរូបភាពមួយចំនួនពីបណ្ដាញសង្គម Instagram របស់តារាស្រី Pumpui Pimonwan ទស្សនិកជនបានឃើញតារាជើងចាស់ Sinjai បង្អួតសម្រស់ប្រហែលទៅនឹងយុវវ័យ ៣០ប្លាយ ស្របពេលដែលតារាសម្ដែងរូបនេះឈានចូលវ័យ ៥៨ឆ្នាំទៅហើយ។

ប្រភពពីសារព័ត៌មាន Sanook ទម្លាយថា អ្នកស្រី Sinjai បានទទួលការវះកាត់លើកត្របកភ្នែក និងវះកាត់ទាញក្រោមភ្នែក កាលពី ៣សប្ដាហ៍មុន បន្ទាប់ពីវះកាត់កែកុនសម្រស់ផ្ទៃមុខ កាលពីឆ្នាំ២០២២កន្លងទៅ ដែលពេលនេះសម្រស់របស់អ្នកស្រីកាន់តែក្មេងជាងមុនថែមមួយកម្រិតទៀត៕

ប្រែសម្រួល៖ សន្យា

ចុចអាន៖ Baifern ក្លាយជាតារាស្រីដែលគេយកគម្រូវះកាត់មុខតាមច្រើនបំផុត

ចុចអាន៖ Britney Spears ទទួលការព្យាបាលផ្លូវចិត្ត ក្រោយស្វាមីវ័យក្មេងប្ដឹងលែងលះ