ជីវិតកម្សាន្ដ

លោក សុះ ម៉ាច ៖ «សិល្បៈ និងកីឡា ជាអ្វីដែលខ្ញុំប្រាថ្នាសម្រាប់ជីវិតចុងក្រោយ»

បានផុស

២ years មុន

នៅ

ថ្ងៃព្រហស្បតិ៍ ២៤ សីហា ២០២៣

ដោយ

អតីតប្រធានសមាគមសិល្បករខ្មែរ ២ អាណត្តិ និងជាអ្នកចម្រៀងជើងចាស់លោក សុះ ម៉ាច បានអះអាងពីឆន្ទៈរបស់ខ្លួនប្រាប់អ្នកគាំទ្រថា សិល្បៈ និងកីឡា ទាំងនេះជាអ្វីដែលលោកប្រាថ្នាសម្រាប់ជីវិតចុងក្រោយ និងជាតិថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាជើងចាស់លោក សុះ ម៉ាច បើគិតមកទល់ពេលនេះ លោកចូលប្រឡូកអាជីពសិល្បៈជាអ្នកចម្រៀងមានរយៈពេលច្រើនឆ្នាំហើយ ខណៈដែលប្រជាប្រិយភាព និងភាពល្បីល្បាញ នៅតែរក្សាបានដូចដើម ពោលពុំមានការចុះថមថយនោះទេ។

យ៉ាងណារឿងដែលមហាជនភ្ញាក់ផ្អើលនោះ ស្រាប់តែលោក សុះ ម៉ាច បានចេញមកនិយាយថា «បើសិនជា ខ្ញុំអស់ជីវិត ស្លាប់ទៅ បាបបុណ្យកុសលដែលខ្ញុំសាងតាំងពីក្មេង ទោះបីជាបុណ្យច្រើនជាងបាប ខ្ញុំមិនដែលឡើយប្រាថ្នាថាទៅឋានសួគ៌ បើសិនមានឈ្មោះទៅឋានសួគ៌ ក៏ខ្ញុំនឹងសុំយោមរាជ ឬ អ្នកយាមទ្វារប្រចាំឋាន សុំកើតមកជាមនុស្សជាខ្មែរដដែល»។

លោក សុះ ម៉ាច បានលើកឡើងទៀតថា «ប៉ុន្តែសុំមានជំនាញដ៏ពិសេស ដើម្បីផលប្រយោជន៍ដល់ខ្មែរ ជាពិសេសសិល្បៈ និងកីឡា ទាំងនេះជាអ្វីដែលខ្ញុំប្រាថ្នាសម្រាប់ជីវិតចុងក្រោយ និងជាតិថ្មី»។

តាមរយៈខ្លឹមសារនេះ មានការបញ្ចេញមតិថា ស្ដាប់ទៅហាក់ដូចជាបណ្ដាំចុងក្រោយអ៊ីចឹង ខណៈលោក សុះ ម៉ាច ឆ្លើយតបវិញថា ជីវិតយើងមិនទៀងទេ ការនិយាយក៏គ្រាន់តែជាការគិតទុកជាមុននោះទេ។

សូមបញ្ជាក់ដែរថា ក្នុងអាជីពជាអ្នកចម្រៀងច្រើនឆ្នាំមកនេះ តារាចម្រៀងជើងចាស់លោក សុះ ម៉ាច ក៏ធ្លាប់កាន់ការងារជាប្រធានសមាគមសិល្បករខ្មែរចំនួន ២ អាណត្តិជាប់គ្នាផងដែរ៕

អត្ថបទ ៖ ចាន់រ៉ា