ជីវិតកម្សាន្ដ

ភិន សុដាលីស ប្រៀបធៀបមនុស្សប្រុសដូចចចកឯមនុស្សស្រីដូចសត្វពស់

បានផុស

៤ years មុន

នៅ

ថ្ងៃអាទិត្យ ៣១ មករា ២០២១

ដោយ

តារាសម្តែងស្រីរូបស្រស់ ភិន សុដាលីស បើទោះបីជាបច្ចុប្បន្ននាងមានឈ្មោះជាស្ត្រីមេម៉ាយកូនមួយក៏ពិតមែន តែតារាស្រីរូបនេះនៅតែរក្សាបានប្រជាប្រិយភាពនិងរូបសម្ផស្សស្រស់ស្អាតមិនចាញ់ក្រមុំនោះទេ។

យ៉ាងណាមិញ ដោយសារតែការឈឺចាប់ព្រោះរឿងស្នេហាមិនសមតាមបំណងនេះហើយទើបធ្វើឲ្យអ្នកមេម៉ាយចាយរាង ភិន សុដាលីស ខំប្រឹងរក្សាខ្លួនភ្ជាប់នឹងការផ្តល់សេចក្តីសុខចំពោះខ្លួនឯងនិងកូនស្រីដ៏គួរឲ្យស្រលាញ់ផងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកចាប់អារម្មណ៍នៅលើបណ្តាញសង្គមហ្វេសប៊ុករបស់នាងថ្មីៗនេះអ្នកនាង ភិន សុដាលី ស បានបញ្ចេញទស្សនៈដោយធ្វើការប្រៀបធៀបរវាងមនុស្សប្រុសនិងស្រី គឺមានចរិតផែនខុសៗគ្នា។ អ្នកនាង ភិន សុដាលីស បានលើកការប្រៀបធៀបបែបនេះថាមនុស្សប្រុសប្រៀបដូចជាឆ្កែចចក! បើជ្រើសរើសត្រូវ គេនឹងការពារអ្នក។ បើជ្រើសរើសខុស គេធ្វើបាបអ្នក។

ចំណែកឯមនុស្សស្រី ប្រៀបដូចជាសត្វពស់ ! បើជ្រើសរើសត្រូវ នាងនឹងតាមអ្នករហូត។បើជ្រើសរើសខុស អាចចឹកអ្នកឲ្យស្លាប់បាន។ រីឯមិត្តភក្តិប្រៀបដូចជាផ្លូវ! ជ្រើសរើសត្រូវនឹងបើកផ្លូវនាំអ្នករហូតសម្រេចគោលដៅ។ ជ្រើសរើសខុសនឹងធ្វើឲ្យអ្នកវង្វេងរកផ្លូវចេញមិនឃើញ។

អ្នកនាង ភិន សុដាលីស បានសម្រង់ទស្សនៈនេះទៀតថា នៅពិភពលោកដែលគ្មានធម៌មេត្តានេះត្រូវចេះថែរក្សាមនុស្សដែលល្អនឹងយើង បើធ្វើឲ្យបាត់បង់ហើយ ទោះថ្វាយភ្លេងហៅអ្នកតាមកក៏ជួយមិនបានដែរ។ ពិភពលោកធំធេងយ៉ាងនេះ មានគេធ្វើល្អចំពោះអ្នក គឺជាអំនួតរបស់ អ្នកចិត្តមនុស្សចង្អៀតចង្អល់យ៉ាងនេះ នៅមានកន្លែងសម្រាប់អ្នកគឺជាមោទនភាពរបស់អ្នកហើយ។

អ្នកនាង ភិន សុដាលីស តារាស្រីរូបនេះក៏បានជួបប្រទះរឿងរ៉ាវអាស្រូវបែកបាក់ស្នេហ៍ផងដែរកាល ពីអំឡុងពេលប៉ុន្មានឆ្នាំមកនេះ។ ចំពោះការបែកបាក់នោះក៏បានបន្សល់ទុក្ខនូវចំណងដៃកូនស្រីដ៏ស្រស់ស្អាតម្នាក់ដែលសព្វថ្ងៃកំពុងរស់នៅយ៉ាងមានសេចក្តីសុខជាមួយនាងផងដែរ៕

អត្ថបទ ៖ ចាន់រ៉ា