ជីវិតកម្សាន្ដ

V ត្រូវមនុស្សមិនស្គាល់អត្តសញ្ញាណម្នាក់ បោចសក់ក្នុងកម្មវិធី Celine នៅជប៉ុន

បានផុស

១ year មុន

នៅ

ថ្ងៃសៅរ៍ ២៦ សីហា ២០២៣

ដោយ

ឧប្បត្តិហេតុដ៏គួរឲ្យភ្ញាក់ផ្អើលនៅក្នុងព្រឹត្តិការណ៍ Celine នៃទីក្រុងតូក្យូកាលពីថ្ងៃទី ២៣ ខែសីហា បានបង្កការចាប់អារម្មណ៍និងខឹងសម្បារព្រមៗគ្នា ពីសំណាក់អ្នកគាំទ្ររបស់សមាជិកក្រុម BTS ទូទាំងពិភពលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង V សមាជិក្រុម BTS ត្រូវមនុស្សម្នាក់បានស្រវ៉ាចាប់ទាញសក់របស់លោកនៅកណ្តាលពិធីសម្ពោធ Celine Omotesandō នាទីក្រុងតូក្យូ ប្រទេសជប៉ុន។ ហេតុការណ៍នេះកើតឡើង ស្របពេលដែលអ្នកគាំទ្រជនជាតិជប៉ុនជាច្រើនសម្រុកទៅតាមផ្លូវដោយសង្ឃឹមថានឹងបានឃើញតារាពិភពលោកម្តង។ ហើយបណ្ដាញសង្គមត្រូវបានជន់លិចដោយរូបថត និងវីដេអូថតដោយអ្នកគាំទ្ររាប់មិនអស់។

ទោះជាយ៉ាងណា ក្នុងវីដេអូឃ្លិបនោះ អ្នកគាំទ្រម្នាក់ហាក់មានការភ្ញាក់ផ្អើលយ៉ាងខ្លាំង ខណៈពេលពួកគេឃើញ V ត្រូវមនុស្សមិនស្គាល់អត្តសញ្ញាណម្នាក់ យកដៃទៅទាញសក់លោក ហើយថែមទាំងលូកដៃទៅស្ទាបសក់ទៀតផង។

ក្រោយទស្សនាវីដេអូដ៏ល្បីមួយនេះ អ្នកគាំទ្រសម្ដែងការខឹងសម្បារ តក់ស្លុត និងមិនពេញចិត្ត ហើយរួមគ្នាប្រឆាំងនឹងទង្វើមិនសមរម្យបែបនេះ ពួកគេបានបញ្ចេញមតិខុសៗគ្នាថា “តើនេះជាការពិតទេ? “ម៉េចក៏មនុស្សនោះ ចង់ស្ទាបសក់គាត់?, “គ្មាននរណាម្នាក់ចូលចិត្ត នៅពេលដែលមានមនុស្សមិនស្គាល់មកប៉ះក្បាលរបស់យើងទេ”។ មើលទៅមនុស្សនេះ មិនបានទទួលការអប់រំទេ? អ្នកគាំទ្រនោះឆ្កួតហើយ”។

យ៉ាងណាមិញ នេះជាលើកទីមួយហើយដែលលោកធ្វើដំណើរទៅកាន់ប្រទេសជប៉ុន ក្នុងរយៈពេល៣ ឬ៤ឆ្នាំ អាចថាសមាជិកក្រុម BTS រូបនេះនឹងលែងជាន់ទឹកដីនេះទៀតហើយ។ ព្រោះលោកទៅម្ដង បែរមកជួបរឿងរ៉ាវរន្ធត់មិនគួរឲ្យជឿថានឹងកើតឡើងនោះទេ៕