ខ្សែភាពយន្ត Jennie សម្ដែងលើកដំបូង ប្រកាសលុបចោលវគ្គ២ ព្រោះខ្លឹមសារផ្លូវភេទ

ខ្សែភាពយន្តរឿង “The Idol” ដែលតារាចម្រៀង Kim Jennie សមាជិកក្រុម BLACKPINK ចូលរួមសម្ដែងជាតួសំខាន់ម្នាក់ នៅថ្ងៃទី២៩ ខែសីហា បានប្រកាសជាផ្លូវការ ពុំផលិតរដូវកាលទី២នោះទេ ដោយសារសន្ទុះនៃការរិះគន់កើនឡើង និងគ្មានការគាំទ្រពីទស្សនិកជន។

រឿងភាគ “The Idol” របស់ទូរទស្សន៍ HBO ត្រូវបានលុបចោលជាផ្លូវការហើយ បើទោះបីជាស៊េរីនេះបានទទួលការគាំទ្រពីហ្វេនរបស់ Jennie យ៉ាងច្រើនក៏ដោយ។ មូលហេតុដែល “The Idol” ពុំបន្តវគ្គ២ ដោយសារសាច់រឿងទទួលបានការការរិះគន់ជាច្រើនពីអ្នកទស្សនាចំពោះខ្លឹមសារផ្លូវភេទ ដោយមានអ្នកខ្លះលើកឡើងថាវាជាភាពយន្តអាសអាភាស។

ដើមឡើយជាស៊េរីរឿងភាគ “The Idol” មាន ៦ភាគ តែត្រូវលុបចោលមួយភាគ ដោយបានបញ្ចប់ត្រឹមតែ ៥ភាគប៉ុណ្ណោះ ហើយបច្ចុប្បន្នវាទទួលការ rate ត្រឹមតែ ១៩% នៅលើ Rotten Tomatoes ។

ថ្វីត្បិតភាពយន្ត “The Idol” ត្រូវបានលុបចោលក្ដី ប៉ុន្តែហ្វេនៗសង្ឃឹម​ថា Jennie នឹង​មាន​ឱកាស​ច្រើន​ទៀត​ក្នុង​ការ​សម្ដែង​នាពេល​អនាគត នៅ​ក្នុង​ភាពយន្តណា​ដែល​មិន​មាន​ភាព​ចម្រូងចម្រាស​បែប​នេះ៕

ប្រែសម្រួល៖ សន្យា

ចុចអាន៖ គ្រួសារអ្នកស្លាប់យំគគ្រូក ក្រោយ Kim Woo-bin ចូលរួមបុណ្យសពអ្នកគាំទ្រម្នាក់

ចុចអាន៖ សម្ដែងលើកដំបូង Jennie ត្រូវទស្សនាវដ្ដី Forbes លើកសរសើរ និងចង់ឱ្យឈ្នះពានរង្វាន់អន្តរជាតិ