មង្គលការ Yaya នឹងរៀបចំនៅប្រទេសកំណើតរបស់នាង

បន្ទាប់ពី Yaya Urassaya ត្រូវបាន Nadech Kugimiya ប្រកាសសុំរៀបការ កាលពីប៉ុន្មានខែមុន មង្គលរបស់អ្នកទាំងពីរត្រូវបានទស្សនិកជនតាមដានយ៉ាងជាប់ ព្រោះចង់ដឹងថាតើពេលណានឹងរៀបចំឡើង? រៀបចំបែបណា និងនៅឯណាទៅ?

ចំពោះចម្ងល់នេះ Yaya បានចេញមុខផ្ដល់បទសម្ភាសន៍ខ្លះៗពាក់ព័ន្ធនឹងពិធីមង្គលការរបស់នាង និងមិត្តប្រុស ដោយនាងបានប្រាប់ថា ពិធីនឹងរៀបចំឡើងនៅក្រៅប្រទេស ពោលគឺនៅលើទឹកដីកំណើតរបស់នាងតែម្ដង។

Yaya ថាខ្លួននឹងរៀបចំមង្គលការនៅក្នុងប្រទេសន័រវេសតែមួយគត់ ប៉ុន្តែមិនមែនឆ្នាំនេះនោះទេ ព្រោះទាំងនាងនិង Nadech សុទ្ធតែរវល់រៀងខ្លួន។ ម៉្យាងវិញទៀត Nadech កំពុងសាងសង់ផ្ទះថ្មី ដូច្នេះអ្នកទាំងពីរត្រូវការពេលយូរក្រែលដែរ ទម្រាំទំនេរដៃ ជាពិសេសទុកពេលសម្រាប់សន្សំប្រាក់។ តារាស្រីវ័យ ៣០ឆ្នាំ បញ្ចប់ជាចុងក្រោយបែបមិនច្បាស់លាស់ថា អាពាហ៍ពិពាហ៍អាចនឹងកើតឡើងនៅឆ្នាំក្រោយ ឬឆ្នាំក្រោយមួយទៀត៕

ប្រែសម្រួល៖ សន្យា

ចុចអាន៖ Nadech ប្រាប់ថា ក្រោយរៀបការរួច សុខចិត្តរ៉ាប់រងចង្រ្កានជើងឆ្នាំងជំនួស Yaya

ចុចអាន៖ គេហដ្ឋានថ្មីរបស់ Mark-Kimberley តម្លៃរយលានឯណោះ

ចុចអាន៖ ខ្សែភាពយន្ត Jennie សម្ដែងលើកដំបូង ប្រកាសលុបចោលវគ្គ២ ព្រោះខ្លឹមសារផ្លូវភេទ