Jes បញ្ជាក់ច្បាស់ ចំណងស្នេហ៍ ៤ឆ្នាំរវាងលោក និង Vill បែកបាក់គ្នាហើយ

ព័ត៌មានប្រេះឆារវាងតារាសម្ដែង Jes Jespipat និងតារាសម្ដែង Vill Wannarot បានក្លាយជា​ប្រធានបទ​ក្តៅ​មួយ​ដែលកំពុង​អង្រួន​វិស័យ​សិល្បៈ​ថៃ និងទស្សនិកជនរាប់សែnនាក់ ពេលនេះគេកំពុងរង់ចាំចម្លើយពីភាគីទាំងពីរ ចំពោះស្ថានភាពទំនាក់ទំនងរបស់ពួកគេ ថាតើពួកគេបែកគ្នាពិតឬយ៉ាងណា?

ពាក់ព័ន្ធនឹងពាក្យចចាមអារ៉ាមនេះ ភាគីខាង Jes បានចេញមុខស្រាយមន្ទិលសង្ស័យរបស់ទស្សនិកជន ដោយលោកបញ្ជាក់ច្បាស់ៗថា រវាងលោក និង Vill បានបែកគ្នាមួយរយៈហើយ ហើយវាមិនមែនដោយសារជនទី៣នោះទេ។ និយាយនៅក្នុងបទសម្ភាសន៍មួយ​ Jes ប្រាប់ថា ចំពោះពាក្យចចាមអារ៉ាមដែលចោទប្រកាន់លោក និង Prang ថាបានលួចទាក់ទងគ្នា ទើបនាំឱ្យប្រេះឆាជាមួយ Vill នោះជារឿងមិនពិត ព្រោះលោក និង Prang ត្រឹមជាមិត្តប៉ុណ្ណោះ គ្មានអ្វីលើសពីនេះឡើយ។

Jes បញ្ជាក់ថា “ចំពោះបញ្ហាភាគីទីបី គឺច្បាស់ណាស់ថា វាមិនពាក់ព័ន្ធនឹងអ្នកណាម្នាក់នោះទេ” ។ លោកបន្ថែមទៀតថា “ពួកយើងបាននិយាយគ្នាហើយ យើងសម្រេចចិត្តបែកគ្នា។ យើង​បែក​គ្នា​មួយ​រយៈមកហើយ។ ហេតុផលដែលអាចឆ្លើយបានគឺពួកយើងមិនសូវយល់ពីគ្នា។ កន្លងមកយើងព្យាយាមកែតម្រូវរួចហើយ យើង​ទាំង​ពីរ​បាន​ព្យាយាម​អស់​ពី​សមត្ថភាព ​នៅតែមិនអាចទៅរួច” ៕

ប្រែសម្រួល៖ សន្យា

ចុចអាន៖ Baifern ប្រែកាយជានារីជប៉ុន ទស្សនិកជនចំណាំសឹងមិនបាន

ចុចអាន៖ Jespipat ត្រូវ​អ្នក​លេង​អ៊ីនធឺណិត​វាយ​ប្រហារ ក្រោយបង្ហោះ​ឃ្លិប​ច្រៀង​ជាមួយ Prang