ជីវិតកម្សាន្ដ

អតីតភរិយាលោកភិថា បង្ហោះរូបជាមួយបុរសអាថ៌កំបាំងម្នាក់

បានផុស

២ years មុន

នៅ

ថ្ងៃព្រហស្បតិ៍ ៣១ សីហា ២០២៣

ដោយ

តារាសម្ដែង Tye Chutima និងជាអតីតភរិយាលោកភិថា បានបង្ហោះរូបភាពក្នុងពិធីជប់លៀងនៅឆ្នេរសមុទ្រមួយកន្លែង ប៉ុន្តែអ្នកនិយមលេងអ៊ីនធឺណិតបែរសម្រុកផ្ដោតលើបុរសអាថ៌កំបាំងម្នាក់ ដែលនៅពីក្រោយខ្នងនាងទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកម្តាយកូនមួយ Tye Chutima ពេលនេះនាងហាក់បង្កការចាប់អារម្មណ៍យ៉ាងខ្លាំង។ ជាពិសេសរឿងស្នេហារបស់នាង ស្របពេលដែលអ្នកគាំទ្រលើកទឹកចិត្តឲ្យត្រូវរ៉ូវជាមួយអតីតស្វាមីលោក ភីថា ដែលជាមេដឹកនាំគណបក្សចលនាឆ្ពោះទៅមុខ។ យ៉ាងណាក៏ដោយ នាងបានចេញបទសម្ភាសន៍ម្ដងហើយម្ដងទៀតថា បច្ចុប្បន្ននាងនិងអតីតស្វាមីគឺជាឪពុកម្ដាយដ៏ល្អរបស់កូនស្រី ហើយក៏ធ្វើជាមិត្តល្អនឹងគ្នា ទោះបីជាលែងលះដាច់ស្រេចក្ដី។

យ៉ាងណាមិញ តាមរយៈរូបភាពនៃពិធីជប់លៀងលើឆ្នេរខ្សាច់ដ៏ស្រស់ស្អាត ជាមួយក្រុមមិត្តភ័ក្ដិ អ្នកគាំទ្រជាច្រើនផ្ទុះការចាប់អារម្មណ៍ជាថ្មីម្ដងទៀត។ បន្ទាប់ពីនៅខាងក្រោយខ្នងតារាសម្ដែងរូបនេះគឺលេចបុរសម្នាក់ រហូតមហាជនសម្រុកចូលបញ្ចេញមតិយ៉ាងច្រើន។ ក្នុងនោះមនុស្សមួយចំនួនបានចោទសួរថា តើបុរសម្នាក់នោះជានរណា? ឬគឺជា Benz Atthanin ដែលជាតារាសម្តែងពី change2561 ព្រោះតែរូបភាពដែល Benz បង្ហោះកន្លងមក គឺជាទីតាំងតែមួយ ព្រមទាំងបរិយាកាសនៃរូបភាពគឺស្រដៀងថែមទៀតផង។

យ៉ាងណាក៏ដោយ គេនៅមិនទាន់ប្រាកដថា វាគ្រាន់តែជារឿងចៃដន្យឬអត់ទេសម្រាប់អ្នកទាំងពីរ។ ទស្សនិកជនមានតែចាំស្តាប់ចម្លើយពីអ្នកម្តាយកូនមួយរូបនេះ ថាតើបេះដូងរបស់នាងនឹងមានពណ៌ផ្កាឈូក, ផ្អែមឬអត់ ឬគ្រាន់តែជាមិត្តភាពកន្លងមកប៉ុណ្ណោះ៕