ជីវិតកម្សាន្ដ

សាយ បំផុសពលរដ្ឋរួមគ្នាគោរពច្បាប់ចរាចរណ៍ ដើម្បីសុវត្ថិភាពលើដងផ្លូវ

បានផុស

២ years មុន

នៅ

ថ្ងៃព្រហស្បតិ៍ ៣១ សីហា ២០២៣

ដោយ

លោក អ៊ួន បឋម ហៅ សាយ ដែលជាតារាចម្រៀង Original Song បានបំផុសស្មារតីដល់មហាជនអ្នកគាំទ្រ ក៏ដូចជាប្រជាពលរដ្ឋទូទាំងប្រទេស រួមគ្នាគោរពច្បាប់ចរាចរណ៍ ដើម្បីសុវត្ថិភាពលើដងផ្លូវ ពិសេសកាត់បន្ថយបញ្ហាគ្រោះថ្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីអាជីពសិល្បៈច្រៀង លោក សាយ បច្ចុប្បន្នត្រូវបានគេមើលឃើញថាកាន់តែទទួលបានការគាំទ្រ និងមានប្រជាប្រិយភាពខ្លាំង តាមរយៈការងារសប្បុរសធម៌ជួយសង្គមនានា។ ក្នុងពេលនេះដែរ សាយ បានស្នើដោយការទទូចចំពោះប្រជាពលរដ្ឋអ្នកបើកបរម៉ូតូឡានទាំងអស់ ត្រូវយល់ដឹងពីច្បាប់ចរាចរណ៍ និងបើកបរដោយការទទួលខុសត្រូវខ្ពស់។

លោក សាយ បានបញ្ជាក់ថា «ខ្ញុំមានទាំងប័ណ្ណបើកបរម៉ូតូ និង បើកបរឡាន ការចំណាយពេលវេលាសម្រាប់ការរៀនសូត្រយល់ដឹងច្បាប់ចរាចរណ៍ គឺដើម្បីសុវត្ថិភាពយើងខ្លួនឯង និងអ្នកដទៃ នៅពេលធ្វើដំណើររួមគ្នាលើដងផ្លូវហើយ ខ្ញុំសង្ឃឹមថា អ្នកបើកបរម៉ូតូទាំងអស់ ក៏យល់ដឹងពីច្បាប់ចរាចរណ៍ និងបើកបរដោយការទទួលខុសត្រូវខ្ពស់»។

លោក សាយ សង្កត់ធ្ងន់ថា លោកសង្ឃឹមថាអាជ្ញាធរពាក់ព័ន្ធ នឹងមានវិធានការសម្រួលដល់ការធ្វើប័ណ្ណបើកបរម៉ូតូឲ្យមានភាពងាយស្រួល និងចំណាយថវិកាតិច ឬ free តែម្ដង ក្នុងរយៈពេលកំណត់ណាមួយ។

លោក អ៊ួន បឋម ហៅ សាយ និយាយបន្ថែមថា «យើងចង់អភិវឌ្ឍន៍សង្គមជាតិ គឺ យើងត្រូវចាប់ផ្ដើមពីការអភិវឌ្ឍខ្លួនឯង យើងចង់ឲ្យសង្គមជាតិមានច្បាប់ទម្លាប់ត្រឹមត្រូវ យើងត្រូវចាប់ផ្ដើមអនុវត្តច្បាប់នៅលើខ្លួនឯង(រួមគ្នាដើម្បីសុវត្ថិភាពលើដងផ្លូវ)៕

អត្ថបទ ៖ ចាន់រ៉ា