ជីវិតកម្សាន្ដ

Song Hye Kyo នឹងជួប Cha Eun Woo ម្ដងទៀតនៅសិង្ហបុរី

បានផុស

១ year មុន

នៅ

ថ្ងៃសុក្រ ១ កញ្ញា ២០២៣

ដោយ

កាលពីប៉ុន្មានខែមុន បន្ទាប់ពីតារាកូរ៉េខាងត្បូង២រូប Song Hye Kyo និង Cha Eun Woo បានជួបគ្នាក្នុងកម្មវិធី Chaumet Gala Dinner ក្នុងទីក្រុងប៉ារីស ប្រទេសបារាំង ក្នុងពេលនោះវាបានបង្កើតនិន្នាការដ៏ពេញនិយមទូទាំងពិភពលោកជាមួយនឹងភាពស្រស់ស្អាតឥតខ្ចោះរបស់អ្នកទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកម្មវិធី Gala Dinner និងក្នុងនាមជាទូតសុឆន្ទៈប្រចាំម៉ាកយីហោ Song Hye Kyoបានជ្រើសរើសរ៉ូបល្ងាចពណ៌ស គូជាមួយនឹងខ្សែកពេជ្រដ៏ប្រណិតពី Chaumet បង្កើតឲ្យមានការភ្ញាក់ផ្អើលយ៉ាងខ្លាំង។

ដោយឡែកកាលពីពេលថ្មីៗនេះ មានការបញ្ជាក់ថា Song Hye Kyo តំណាងម៉ាកយីហោគ្រឿងអលង្ការប្រណីតរបស់បារាំង Chaumet រួមជាមួយនឹងតារាប្រុស Cha Eun Woo នឹងចូលរួមដំណើរកម្សាន្តទៅកាន់ប្រទេសសិង្ហបុរី ដើម្បីចូលរួមព្រឹត្តិការណ៍សម្ពោធ Pop Up Boutique ដ៏ប្រណិតរបស់យីហោនៅ ION Orchard នៅថ្ងៃទី ០៥ ខែកញ្ញា។

យ៉ាងណាមិញក្រោយទទួលដំណឹងនេះភ្លាម អ្នកគាំទ្រនៅឯសិង្ហបុរីបានបង្ហាញអារម្មណ៍សប្បាយរីករាយដែលអាយដលរបស់ពួកគេធ្វើដំណើរមកកាន់ប្រទេសកំណើតរបស់ពួកគេ។ ក្នុងនោះម្នាក់ៗបញ្ជេញមតិស្របគ្នាថារំភើបហើយក៏រង់ចាំតារាកូរ៉េ២ដួងនេះផងដែរ៕