ផាកពិន័យ D.O ​ក្រោយបង្ហុយហុយផ្សែងបារី ដោយមិនខ្វល់អ្នកជិតខ្លួន

សារព័ត៌មាន Edaily បានរាយការណ៍កាលពីថ្ងៃទី ០៦ ខែកញ្ញាថា D.O.សមាជិកក្រុម EXO ត្រូវពិន័យជាសាច់ប្រាក់ ដោយមជ្ឈមណ្ឌលសុខភាពសាធារណៈស្រុក Mapo ក្រោយលោកជក់បារីក្នុងអគារបិទជិត។

ត្រលប់ទៅខែសីហា EXO បានចែករំលែកវីដេអូនៅលើប៉ុស្តិ៍ YouTube ផ្លូវការរបស់ពួកគេដែលបង្ហាញពីសកម្មភាពផ្សព្វផ្សាយសម្រាប់បទចម្រៀងថ្មីរបស់ពួកគេ Cream Soda នៅលើ Music Core របស់ MBC ។ នៅក្នុងវីដេអូ D.O. ឬ Do Kyung Soo ត្រូវបានចោទប្រកាន់​ពីបទជក់បារី​អគ្គិសនី​នៅ​ក្នុង បន្ទប់បិទជិតរបស់ MBC។

ក្រោយមក អ្នក​លេង​អ៊ីនធឺណិត​ជាច្រើន​បានដាក់​ពាក្យបណ្ដឹង​ទៅកាន់មជ្ឈមណ្ឌល​សេវាសុខភាព​សាធារណៈ Mapo ទាក់ទងនឹងការជក់បារីរបស់ D.O. មជ្ឈមណ្ឌលសេវា​សុខភាពសាធារណៈ​បានឆ្លើយតបដោយ​បញ្ជាក់​ថា “មាត្រា ៩ កថាខណ្ឌទី ៤ មាត្រា១៦ នៃច្បាប់ស្តីពីការលើកកម្ពស់​សុខភាពជាតិ កំណត់អគារការិយាល័យ រោងចក្រ និងអគារពហុគោលបំណងទាំងអស់ដែលមានផ្ទៃដី ១ពាន់ម៉ែត្រការ៉េ ឬច្រើនជាងនេះ ជាតំបន់មិនជក់បារីបានទេ។ ការបំពានបទប្បញ្ញត្តិនេះអាច​បណ្តាល​ឲ្យ​មានការផាកពិន័យរហូតដល់ ១សែនវ៉ុន (ប្រហែល ៧៥ ដុល្លារ)។

មណ្ឌលសុខភាព​និយាយ​បន្តទៀតថា “ការជក់បារីនៅខាងក្នុងអគារ​​ក្រុមហ៊ុនផ្សាយ គឺជាការបំពាន ទោះបីជា D.O. និងទីភ្នាក់ងារបានពន្យល់ថា ​គាត់​ប្រើ​បារី​អេឡិចត្រូនិច​ដែល​គ្មាន​ជាតិនីកូទីនក៏ដោយ។ ប៉ុន្តែ​ពួកគេ​បាន​បរាជ័យ​ក្នុង​ការ​ផ្តល់​ភស្តុតាង​ថា​ ផលិតផល​នោះ​គ្មាន​ជាតិ​នីកូទីន​នៅ​ក្នុង​ការ​ពិពណ៌នា​អំពី​សារធាតុ​ផ្សំ និង​ការណែនាំ​អំពី​ផលិតផល។ដូច្នេះ មានការពិន័យភាគី​ពាក់ព័ន្ធ​សន្យា​គោរព​ច្បាប់​ដោយ​ស្មោះត្រង់ ​ក្នុង​នាម​ជា​បុគ្គល​សាធារណៈ​នាពេល​អនាគត៕

ប្រែសម្រួល៖ សាង ស្រីល័ក្ខ

ចុចអាន៖តួឯកប្រុសរឿង “បុព្វេសន្និវាស” ថា វិឡាស្គឹមស្គៃដែលកំពុងសង់ សុទ្ធតែជាកម្លាំងញើសឈាមខ្លួន