Kourtney Kardashian ត្រូវវះកាត់ជាបន្ទាន់ ដើម្បីជួយជីវិតកូន

តារាទូរទស្សន៍ Kourtney Kardashian ដែលធ្លាប់មានកូន ៣ នាក់ជាមួយអតីតគូស្នេហ៍ Scott Disick ហើយកំពុងពពោះកូនទី ៤ ជាមួយ Travis Barker បានវះកាត់ជាបន្ទាន់ ដើម្បីជួយជីវិតកូនប្រុស ។

នាងបង្ហោះនៅក្នុងបណ្ដាញសង្គម Instagram ថា “ខ្ញុំដឹងគុណគ្រូពេទ្យដ៏អស្ចារ្យដែលបានជួយជីវិតកូនរបស់យើង ខ្ញុំដឹងគុណចំពោះប្ដីរបស់ខ្ញុំដែលប្រញាប់ប្រញាល់មកពីការប្រគំតន្ត្រីមករកខ្ញុំនៅក្នុងមន្ទីរពេទ្យ និងថែទាំខ្ញុំ ។ ខ្ញុំអរគុណម៉ាក់សម្រាប់ការកាន់ដៃខ្ញុំឆ្លងកាត់រឿងនេះ ។”

Kourtney បន្តទៀតថា “ខ្ញុំធ្លាប់តែពពោះស្រួលៗ ៣ ដងកន្លងមក ខ្ញុំមិនបានត្រៀមចិត្តសម្រាប់វះកាត់បន្ទាន់ទេ ។ ខ្ញុំមិនគិតថាអ្នកមិនធ្លាប់ឆ្លងកាត់ យល់អារម្មណ៍ភ័យខ្លាចនេះទេ ។ ខ្ញុំបានដឹងបន្ថែមទៀត និងកាន់តែគោរពអ្នកម្ដាយដែលតស៊ូដើម្បីកូនអំឡុងពេលពពោះ ។ ព្រះជួយឲ្យខ្ញុំចាកចេញពីមន្ទីរពេទ្យជាមួយកូនប្រុសនៅក្នុងពោះដោយសុវត្ថិភាព ។”

គួរបញ្ជាក់ថា តារាស្រីវ័យ ៤៤ ឆ្នាំរូបនេះ បានប្រកាសអំពីការពពោះក្នុងខែមិថុនា ប៉ុន្តែនាងមិនទាន់ប្រាប់ពីអាយុនៃគភ៌ឡើយ ៕

ប្រែសម្រួល៖ វារី
ប្រភព៖ CNA
ចុចអាន៖ ផ្ទះលំហែតម្លៃជិត ១៥ លានដុល្លារ របស់ Kourtney Kardashian ត្រូវព្យុះកម្ទេច