គីមបាប់ និងមីកំប៉ុង ដែល V ញ៉ាំពេលព្រឹក កំពុងក្លាយជាប្រធានបទក្ដៅនៅកូរ៉េ

តារាចម្រៀង V (Kim Tae-hyung) កំពុងទទួលបាននូវប្រជាប្រិយភាពដ៏ខ្លាំងក្លាពីសំណាក់ទស្សនិកជនទូទាំងប្រទេសកូរ៉េ ក៏ដូចជាពាសពេញពិភពលោក តាមរយៈបទចម្រៀងល្បីៗក្នុងនាមជាសមាជិកក្រុម BTS ។ ក្រោយពេលក្រុម BTS បង្ហាញខ្លួន V ក៏មានភាពល្បីល្បាញសុះសាយមិនថាបទចម្រៀង ការថតស្ពត និងតំណាងម៉ាកយីហោធំៗជាដើម។

រាល់ចំណង់ចំណូលចិត្ត ទម្លាប់ និងសកម្មភាពនានាប្រចាំថ្ងៃត្រូវបានទស្សនិកជននិយមតាមដាន ជាពិសេស ARMYs តែម្ដង។ សូម្បីអាហាររបស់ V ក៏មិនអាចរំលងពីការជជែកវែកញែកពីអ្នកគាំទ្រផងដែរ។ តួយ៉ាងថ្មីៗនេះ ក្រោយពេលផ្ដល់សម្ភាសន៍ទាក់ទងនឹងអាហារពេលព្រឹករបស់ខ្លួនទៅកាន់សាធារណៈជន អ្នកនិយមលេងអ៊ីនធឺរណិតនៅកូរ៉េ នាំគ្នាលើកមកជជែកពាសពេញបណ្ដាញសង្គម ក្លាយទៅជាប្រធានបទក្ដៅ ប៉ុន្មានថ្ងៃជាប់ៗគ្នា។

តាមរយៈបទសម្ភាសន៍មួយ ពិធីករបានសួរ V ថា “តើលោកបានទទួលទានអាហារពេលព្រឹកឬនៅ មុនមកចូលរួមកម្មវិធី?” ភ្លាមៗសមាជិក BTS រូបនេះ ឆ្លើយថា លោកញ៉ាំរួចហើយ ហើយវាគឺ គីមបាប់ មីកំប៉ុង និងស៊ុតស្ងោរ លាយបញ្ចូលគ្នា។ គេក៏បានសួរអំពីរសជាតិរបស់វា ប៉ុន្តែលោកបានស្នើឱ្យគ្រប់សាកល្បងដោយខ្លួនឯង។

បន្ទាប់ពីទស្សនាវីដេអូចែករំលែកប្រភេទអាហារពេលព្រឹកដែលរួមបញ្ចូលគ្នាយ៉ាងប្លែករបស់ V ទស្សនិកជនជាច្រើនបានបង្ហោះប្រភេទអាហារមួយនេះនៅលើអ៊ីនធឺរណិត ​ហើយវាកំពុងល្បីពាសពេញបណ្ដាញសង្គម។ មិនតែប៉ុណ្ណោះអ្នកគាំទ្ររាប់សិបនាក់កំពុងចង់សាកល្បងញ៉ាំតាម V ផងដែរ៕

ប្រែសម្រួល៖ សន្យា

ចុចអាន៖ ផាកពិន័យ D.O ​ក្រោយបង្ហុយហុយផ្សែងបារី ដោយមិនខ្វល់អ្នកជិតខ្លួន

ចុចអាន៖ បង្ហាញតម្លៃអចលនទ្រព្យរាប់លានដុល្លាររបស់ Song Joong Ki សុទ្ធតែនៅទីក្រុងធំៗលើលោក