ស្រកទម្ងន់យ៉ាងណា Mai Davika នៅតែលេចធ្លោក្នុងឈុតកូនក្រមុំ នៅប្រទេសវៀតណាម

ថ្វីត្បិតទម្ងន់ស្រកចុះយ៉ាងខ្លាំង បង្កឱ្យមានការរិះគន់មួយចំនួនពីទស្សនិកជន ប៉ុន្តែសម្រស់ ម៉ៃ ដាវីកា (Mai Davika) នៅតែលេចធ្លោ និងទាក់ទាញអ្នកគាំទ្រជាច្រើន​ ជាពិសេសក្រោយបង្ហាញខ្លួនក្នុងឈុតកូនក្រមុំ នៅឯប្រទេសវៀតណាម កាលពីពេលថ្មីៗនេះ។

នៅក្នុងព្រឹត្តិការណ៍បង្ហាញម៉ូដសម្លៀកបំពាក់នៃម៉ាកយីហោល្បីមួយ នៅទីក្រុង ហូជីមិញ ប្រទេសវៀតណាម កំពូលតារាសម្ដែង និងបង្ហាញម៉ូដ ​ម៉ៃ ដាវីកា បានធ្វើឱ្យអ្នករិះគន់ស្រងាកចិត្តមិនស្ទើរ បន្ទាប់ពីបង្ហាញសម្រស់យ៉ាងស្រស់ស្អាត សមសួន ទោះបីស្រគីឡូច្រើនយ៉ាងណាក្ដី។

ជាមួយនឹងឈុតកូនក្រមុំពណ៌សភ្លឺចាំង ម៉ៃ ពិតជាលេចធ្លោមិនធម្មតា ខណៈសម្រស់ហាក់មិនថមថយទាល់តែសោះ សក្តិសមជាកំពូលតារាអាស៊ី ដែលគេគាំទ្រមិនខុសឡើយ។ ហ្វេនៗដែលស្រឡាញ់ចូលចិត្តតារាស្រីវ័យ ៣២ឆ្នាំរូបនេះ លាន់មាត់សរសើរលើរូបសម្រស់ និងសមត្ថភាពរបស់នាងនៅលើឆាកអន្តរជាតិគ្រប់គ្នា៕

ប្រែសម្រួល៖ សន្យា

ចុចអាន៖ ទើបតែដឹង តាមពិត Mai Davika ព្រាត់ប្រាស់ឪពុកអស់ ២២ឆ្នាំហើយ

ចុចអាន៖ មិត្តស្រី Ronaldo សម្ញែងគ្រឿងពេជ្រជិត ៥លានដុល្លារ នៅមហោស្រពភាពយន្តប្រទេសអ៊ីតាលី