ជីវិតកម្សាន្ដ

វីជេ អាណូ ស្នើសុំការងារធ្វើ ក្រោយសុខភាពទើបប្រសើរឡើងវិញ

បានផុស

១ year មុន

នៅ

ថ្ងៃសុក្រ ៨ កញ្ញា ២០២៣

ដោយ

បញ្ហាសុខភាពទើបតែប្រសើរវិញខ្លះ អតីតតារាចម្រៀងអ្នកនាង សួន ភក្ដី ហៅ វីជេ អាណូ ប្រកាសស្នើសុំដល់មហាជន ឬ មិត្តភ័ក្ដិដែលស្គាល់ ជួយផ្ដល់ការងារសម្រាប់នាងធ្វើផង ដើម្បីបានប្រាក់កម្រៃចិញ្ចឹមកូនៗ របស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេចាំបានថា កាលពីថ្មីៗនេះ មហាជនអ្នកគាំទ្របង្ហាញការភ្ញាក់ផ្អើល និងព្រួយបារម្ភគ្រប់គ្នា បន្ទាប់ពីអតីតតារាចម្រៀងអ្នកនាង សួន ភក្ដី ហៅ វីជេ អាណូ បានធ្វើការឡាយវីដេអូរៀបរាប់ពីទុក្ខសោកដែលនាងកំពុងតែជួបបញ្ហាផ្លូវចិត្តធ្ងន់ធ្ងរ។ ក្នុងនោះ វីជេ អាណូ ថែមទាំងមានកាំបិតនៅក្នុងដៃប៉ុនប៉ងចាក់សម្លាប់ខ្លួនឯងទៀតផង។

បន្ទាប់មក តារាស្រី វីជេ អាណូ ក៏ត្រូវបានក្រុមគ្រួសារ និងមិត្តភ័ក្ដិក្នុងរង្វង់សិល្បៈ បញ្ជូនទៅសង្គ្រោះនៅមន្ទីរពេទ្យកាល់ម៉ែតភ្លាមៗ។ យ៉ាងណាមិញ បច្ចុប្បន្ន នាង ត្រូវបានវិលត្រឡប់ទៅផ្ទះវិញហើយ ក្រោយសុខភាព និងរបួស បានប្រសើរខ្លះឡើងវិញ។

ទន្ទឹមនេះ តារាចម្រៀង វីជេ អាណូ បានចេញមកប្រកាសស្នើសុំការងារ ដើម្បីបានធ្វើរកប្រាក់ចិញ្ចឹមគ្រួសារ។ អ្នកនាងបញ្ជាក់ថា «ជម្រាបសួរអ្នកទាំងអស់គ្នា នាងខ្ញុំ អាណូ អនុញ្ញាតឲ្យខ្ញុំបានរួមការងារជាមួយអ្នកទាំងអស់គ្នាផង តែអំឡុងពេលនេះបានតែអង្គុយទេ(អង្គុយធ្វើការ live ឬ Reviews អីក៏បាន ឲ្យតែសមស្រប នាងខ្ញុំទទួលធ្វើទាំងអស់»។