ជីវិតកម្សាន្ដ

កញ្ញា វណ្ណៈ បូរមី លំដាប់រងទី ២ MUC និយាយពាក់ព័ន្ធការបង្កើតមកុដ

បានផុស

១ year មុន

នៅ

ថ្ងៃសុក្រ ៨ កញ្ញា ២០២៣

ដោយ

លំដាប់រងទី ២ នៃការប្រឡងកម្មវិធី Miss Universe Cambodia 2023 កញ្ញា វណ្ណៈ បូរមី តំណាងឲ្យខេត្តស្វាយរៀង ជាទឹកដីកំណើតផ្ទាល់ខ្លួន បានបង្ហាញអារម្មណ៍ពាក់ព័ន្ធរឿងការបង្កើតមកុដ ឬ អ្នកដែលសក្ដិសមទទួលបានមកុដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា វណ្ណៈ បូរមី ដែលទើបតែទទួលបានមកុដលំដាប់រងទី ២ MUC 2023 បានលើកឡើងពីហេតុផល នៃការបង្កើតមកុដសម្រាប់កម្មវិធីប្រឡងបវរកញ្ញានេះឡើង។ វណ្ណៈ បូរមី បាននិយាយថា «មកុដ មិនមែនបង្កើតមកដើម្បីបង្ហាញពីភាពអង់អាច អំណាច ការចាញ់ឈ្នះ ភាពអំនួត ឬ បង្កើតឲ្យមានការច្រណែន ការដណ្ដើម ឬ កំណត់ស្តង់ដារសម្រស់អ្វីនោះទេ»។

ស្រីស្អាត វណ្ណៈ បូរមី និយាយបន្តថា «មកុដ ជាអំណោយដែលផ្ដល់ជូនស្ត្រីដែលគេមានទំនួលខុសត្រូវ មានសមត្ថភាព អាចបំពេញកាតព្វកិច្ច អាចនិយាយ និងដោះស្រាយបញ្ហាកំពុងកើតឡើង ក្នុងសង្គម អាចក្លាយជាគំរូល្អសម្រាប់ក្មេងជំនាន់ក្រោយ និងសក្ដិសមមានតំណែងជាស្ត្រីតំណាងឲ្យស្ថាប័នមួយ ក្រុមហ៊ុនមួយ ខេត្ត ឬ ក្រុងមួយ ប្រទេសមួយ ឬ រយៈកាលមួយ»។

យ៉ាងណាមិញបន្ទាប់ពីទទួលបានជ័យលាភីលំដាប់រងទី ២ នេះដែរ កញ្ញា វណ្ណៈ បូរមី ក៏ទទួលបានការអបអរសាទរពីអ្នកគាំទ្រ និងមានការលើកសរសើរថា នាងជាក្មេងស្រីដ៏រឹងមាំ ពូកែតាំងពីដើមមក មិនដែលចូលរួមប្រកួតធំបែបនេះទេ តែអាចឆ្លងកាត់ទទួលយកលទ្ធផលល្អបានក្នុងការប្រកួតកាលពីយប់ថ្ងៃទី ០៧ ខែកញ្ញា៕

អត្ថបទ ៖ ចាន់រ៉ា